पोखरा। पोखराको पर्यटकीय केन्द्र लेकसाइडमा जापानी आतिथ्य र नेपाली न्यानोपनको उत्कृष्ट संगम बोकेको नयाँ होटल तथा रिट्रिट ‘UNPLAN Pokhara Hotel and Retreat’ औपचारिक रूपमा सञ्चालनमा आएको छ। एउटै छानामुनि ताल र डाँडाको मनमोहक दृश्यसँगै आरामदायी बसाइ, स्वादिष्ट खानपान र शारीरिक तथा मानसिक स्फूर्ति दिने सुविधाहरू उपलब्ध गराउँदै होटल पर्यटकको स्वागतमा प्रस्तुत भएको हो।

‘UNPLAN’ नाम अंग्रेजी शब्द ‘unplanned’ (योजना नगरिएको) बाट राखिएको जनाइएको छ।। पूर्वतयारी वा योजनाबिना नै घुम्न निस्कँदा पनि अप्रत्याशित भेटघाट र अनपेक्षित दृश्यहरूसँग साक्षात्कार होस् भन्ने भावना यसमा समेटिएको सञ्चालक पक्षको भनाइ छ।

जापानदेखि नेपालसम्मको यात्रा

UNPLAN ब्रान्डको यात्रा सन् २०१६ को अप्रिलमा जापानको टोकियोस्थित कागुराजाकाबाट सुरु भएको हो। त्यसपछि शिन्जुकु, हाकुबा र फुकुओकासम्म विस्तार भएको यस ब्रान्डले ‘गेदर’ जस्ता क्याफे र बारमार्फत विश्वभरका यात्रुहरूका लागि भेटघाटको साझा थलो निर्माण गर्दै आएको छ।

यस ब्रान्डको सञ्चालक कम्पनी ‘फिका’ (Fika) को स्थापना सन् २०१४ मा भएको हो। स्वीडेनको लोकप्रिय परम्परा ‘फिका’ (कफी र खाजासँगै भेटेर आपसी सम्बन्ध प्रगाढ बनाउने संस्कृति) बाट प्रभावित यस कम्पनीले मानिसहरूबीचको सम्बन्धलाई प्राथमिकता दिने दर्शन बोकेको छ। यही दर्शनका साथ कम्पनीले सन् २०२५ मा ठमेल, काठमाडौँस्थित ‘फिका होल्डिङ्स प्रा.लि.’ मार्फत नेपालमा प्रवेश गरेको हो। जापानी आतिथ्यलाई नेपालको जीवन्त संस्कृतिसँग जोड्दै देशकै अग्रणी आतिथ्य कम्पनी बन्ने लक्ष्य राखेको कम्पनीले काठमाडौँको ठमेलमा पनि UNPLAN सञ्चालनको तयारी गरिरहेको छ।

ताल देखिने कोठा र सुइटहरू

कुल छ तला रहेको यस होटलमा ओक काठ, आइभरी र ढुङ्गाका न्यानो रङ-संयोजन प्रयोग गरी कोठाहरू सजाइएका छन्, जहाँबाट फेवातालको आकर्षक दृश्य अवलोकन गर्न सकिन्छ।

पाहुनाहरूका लागि चार प्रकारका बसाइ विकल्पहरू उपलब्ध छन्। होटलको प्रतिनिधि कोठाको रूपमा किङ साइज बेड, रेन शावर, वर्क डेस्क, स्मार्ट टिभी र वातानुकूलन सुविधासहितको डिलक्स डबल रुम रहेको छ। यस्तै, माथिल्ला तलामा बढी उज्यालो र खुला तालको दृश्य देखिने डिलक्स ट्विन रुम तथा दुई वटा बेड, सोफा र आरामकुर्सीसहित परिवारका लागि उपयुक्त डिलक्स फ्यामिली रुम उपलब्ध गराइएको छ। सबैभन्दा माथिल्लो तलामा तालतर्फ फैलिएका ठुला सिसाका झ्याल र सोकिङ टबसहितको विशिष्ट प्रेसिडेन्सियल सुइट रहेको छ।

वेबसाइटमा उल्लेख भएअनुसार, १० प्रतिशत छुटपछि डिलक्स डबल रुमको प्रारम्भिक मूल्य करबाहेक प्रति रात रु. ७,५२४ र प्रेसिडेन्सियल सुइटको मूल्य रु. ३६,९६० तोकिएको छ।

खानपान र मनोरञ्जन: कफीदेखि ककटेलसम्म

होटलको रेस्टुरेन्टमा भुइँदेखि छतसम्मका सिसाका झ्याल राखिएका छन्, जसले खाने ठाउँलाई सिधै तालको दृश्यसँग जोड्छ। यहाँ बिहानको खाजादेखि रातको खानासम्म दिनभर खानपानको व्यवस्था छ।

इँटाको भित्ता, मधुरो उज्यालो र काठको काउन्टर रहेको क्याफे तथा बारमा दिउँसो विशेष कफी र हल्का खाना तथा साँझपख वाइन र ककटेल उपलब्ध गराइन्छ। यसैगरी, छतमा रहेको रुफटप बार तालमाथि सूर्यास्तको मजा लिँदै पेय पदार्थको आनन्द लिनका लागि उत्कृष्ट थलो बनेको छ। यी सेवाहरू होटलका पाहुनाका साथै बाहिरका ग्राहकका लागि पनि खुला राखिएका छन्।

वेलनेस र इभेन्ट सुविधाहरू

होटलको वेलनेस तलामा शरीर र मनलाई पूर्ण विश्राम दिनका लागि विभिन्न सुविधाहरू समेटिएका छन्। यहाँ मधुरो उज्यालो र शान्त वातावरणसहितको स्पा तथा मसाज कक्ष, काठले मढिएको सौना र स्टिम क्याबिन, पूरा उचाइका झ्यालछेउ निर्माण गरिएको भित्री जकुजी र रुखको टुप्पोभन्दा माथि ताल र डाँडातर्फ खुला रहेको रुफटप पोखरी उपलब्ध छ।

यसबाहेक होटलमा विवाह, रिसेप्सन र निजी समारोहका लागि झुम्बर बत्ती, आकर्षक सजावट र ब्यान्क्वेट बसाइ सुविधासहितको छुट्टै इभेन्ट हल रहेको छ, जहाँ ‘गेदर’ ले क्याटरिङ सेवा प्रदान गर्दछ।

इमेलमार्फत [email protected], व्हाट्सएप (+९७७ ९८६१६३४६६१), इन्स्टाग्राम (@unplan_pokhara_hotel_retreat) वा आधिकारिक वेबसाइट (unplan.com.np/pokhara) मार्फत सम्पर्क तथा बुकिङ गर्न सकिनेछ।