विराटनगर महानगरपालिका वडा नम्बर ३ मा ४ अर्वको लागतमा ‘भ्यूटावर’ बनाइने भएको छ ।  टावरको उचाई १ सय १० मिटर हुनेछ ।

संघीय मामिला तथा सामान्य प्रशासन मन्त्री लालबाबु पण्डित, प्रदेश १ का कार्यबाहक मूख्यमन्त्री हिक्मत कार्की, सामाजिक विकासमन्त्री जीवन घिमिरे र महानगर प्रमुख भीम पराजुलीले भ्यूटावरको सामुहिक रुपमा शिलान्यास गरिसकेका छन् ।

यस्तो बन्नेछ ‘बिराट भ्यू टावर’

https://www.facebook.com/lalbabu.pandit.official/videos/1198429590315083/

भ्यु टावर निर्माणका लागि संघीय सरकार,प्रदेश सरकार,विराटनगर महानगरपालिका,मोरङ व्यापार संघ, उद्योग संगठन, उद्योग वाणिज्य महासंघ प्रदेश १, नागरिक समाज र सर्वसाधारणको बास्केट फण्ड वनाएर निर्माण अगाडि वढाईने बिराटनगर महानगरपालिकाका मेयर भिम पराजुलीले बताए ।

१ विघा ७ कठ्ठा क्षेत्रफलमा एकसय १० मिटर अग्लो भ्यूटावर निर्माण हुने विराटनगर महानगरपालिकाले जनाएको छ । तर शिलान्यास भईसकेको टावरको अहिलेसम्म डिपिआर भने तयार भईसकेको छैन । डिपिआरको लागि बजेट समेत छुट्टिसकेको छ ।

टावरमा राजबंशी समुदायको संग्रहालय, विजनेश कम्प्लेक्स, रिक्रेशन सेन्टर, डिपार्टमेन्ट स्टल, रेष्टुरेन्ट र प्रर्दशनी केन्द्र रहने छ । शिलान्यास भएको भ्यु टावर आगामी चार बर्ष भित्रमा निर्माण सम्पन्न हुने मेयर पराजुलीले आश्वासन दिए ।