श्यामशितल परियार, लमजुङ । लमजुङ सुन्दरबजार नगरपालिकाभित्रका ११ जना कृषकले अनुदानमा हाते ट्रयाक्टर पाउने भएका छन् । उनीहरुलाई सुन्दरबजार नगरपालिकाको कृषि विकास शाखाले अनुदानमा हाते ट्रयाक्टर प्रदान गर्ने भएको हो ।
सुन्दरबजार नगरपालिकाको कृषि विकास शाखाका प्रमुख रामचन्द्र सेढाइँका अनुसार शाखाले २०७५/०७६ मा छनौटमा परेका नगरपालिका भित्रका ११ जना कृषकलाई अनुदानमा हाते ट्रयाक्टर प्रदान गर्न लागिएको हो ।
उनका अनुसार शाखामा हाते ट्रयाक्टरका लागि १९ जना कृषकले निवेदन दिएका थिए । तीमध्ये ११ जना कृषक छनौट भएका हुन् । छनौटमा परेका किसानले बढिमा ४० हजार रुपैयाँ अनुदान पाउनेछन् ।
हाते ट्रयाक्टर पाएसंगै किसानलाई खनजोतका लागि सहज हुने शाखाले जनाएको छ ।
‘पछिल्लो समय गाउँघरमा काम गर्ने मान्छेका साथै खनजोतका लागि गोरु पनि पाईन छाडेको छ । हाते ट्रयाक्टर पाएसंगै किसानलाई कृषि कर्म अघि बढाउन सहज हुनेछ,’ कृषि विकास शाखाका प्रमुख सेढाइँले भने, ‘किसानको समय र पैसाको बचत हुनेछ ।’
यसैगरी, भकारो सुधारका लागि नगरपालिका भित्रका १० जना कृषकलाई अनुदान प्रदान गरिने पनि शाखाले जनाएको छ । भकारो सुधार अनुदानका लागि १२ जना कृषकले निवेदन दिएका थिए । तिमध्ये १० जना कृषक मात्र छनौटमा परेका छन् ।
छनौटमा परेका किसानले प्रतिव्यक्ति ५ हजार रुपैयाँ अनुदान पाउनेछन् । हाते ट्रयाक्टर र भकारो सुधार अनुदान छनौटमा परेका कृषकलाई जानकारी गराईसकिएको र अनुदान पाउने कृषकले यही फागुन मसान्तभित्र अनुदान सम्झौता गर्न पनि शाखाले आग्रह गरेको छ ।
सम्बन्धित खबर
विकास निर्माणका कामप्रति मुख्यमन्त्री अधिकारीको चासो, दुई दिन भित्र प्रतिवेदन पेश गर्न निर्देशन
पराजुलीलाई उत्कृष्ट खेलकुद पत्रकारिता अवार्ड
पोखराबाट पर्वतको सेतीवेणी हुँदै गुल्मीको रिडीसम्म ५६ किमि सडक ट्रयाक खुल्यो
पोखरा जोड्ने राजमार्गको बिजोग: हिलो र धुलोले सास्ती
पोखरामा पर्यटकलाई राम्रो होटल मिलाइदिने भन्दै बार्गेनिङ गर्नेहरू पक्राउ
ट्राफिक नियम पालना गर्न झन्झट नमानौं: मुख्यमन्त्री अधिकारी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग