पोखराको पर्यटकीय क्षेत्र लेकसाइडको हल्लनचोकमा क्लब ९९ रहेको घरमा लागेको आगोले आधा दर्जन व्यवसायमा क्षति पुगिसक्यो तर अझै आगो नियन्त्रणमा आउन सकेको छैन । एक घण्टा बितिसक्दा पनि आगो नियन्त्रणमा लिन नसकिएको हो ।

शुक्रबार राति ९ बजेपछि हल्लनचोक स्थित बर्गर क्याफेबाट आगलागी सुरु भएको स्थानीयल बताएका छन् । सिलिण्डर पड्किएर आगो लाग्न सुरु भएको उनीहरुको भनाई छ । आगो नियन्त्रणमा आउन नसक्दा एक पछि अर्को व्यवसायमा क्षति पुगेको छ । माथिल्लो तल्लामा रहेको क्लब ९९ पुरै ध्वस्त भएको छ । पोखरा माउन्टेन बाईक, माछापुच्छ्रे तन्दुरी, निड्र्स ट्राभल्स एण्ड टुर्स र अमिन सनराईज ह्याण्डिक्राफ्टमा आगलागीले क्षति पुगेको छ ।

आगो नियन्त्रणको लागि स्थानिय, सशस्त्र प्रहरी, नेपाली सेना, नेपाल प्रहरी र पोखरा महानगरपालिकाको दमकल प्रयोग भइरहेको छ ।

खै दमकल ?

पोखराको हल्लनचोक सडक छेवैमा रहेको घरमा आगलागी हुँदा समेत दमकलको कारण क्षति पुग्नु भनेको पोखरा महानगरपालिका कार्यालयका लागि लज्जाको विषय हो । एक त २५ मिनेटपछि मात्र एउटा दमकल पुगेको र त्यो दमकलको पानीले केही पनि नभएको भन्दै स्थानीय रुष्ट छन् ।

आगो दनदनी दन्किएर फैलिएपछि अरु धेरै घरहरुमा एकपछि अर्को गरी आगो फैलने डरले स्थानीय आत्तिएका थिए । एउटा दमकल पुगेर आगो निभाउन प्रयास गरेपनि पर्याप्त भएन । सो दमकल पानी लिन फर्कदाँ अन्य दमकल खै त ? सडक छेवैमा आगो लाग्दा समेत निभाउन सक्ने सामथ्र्य पोखरा महानगरपालिकासँग रहेनछ । पूर्व तयारी कस्तो रहेछ त ? यहीं स्पष्ट हुन्छ ।

http://gandaknews.com/club-99/