मेरियनको चिट्ठी सामाजिक सञ्जालमा अप्लोड गरिएपछि अनेकौं पुरुष र महिलाले उनलाई लैंगिक राजनीतिको ज्ञान दिए ।  मेरियनले चिट्ठीमा लेखेकी छन्, ‘मैले कसैको पनि अपमान गरेको हैन । आफूलाई मन लाग्ने कपडा लगाउने अधिकार सबैसँग छ । तर छोराहरूकी आमा भएको नाताले म यस्तो समस्याका बारेमा कुरा गर्नेछु जसको समाधान युवतीहरूले नै निकाल्न सक्छन् ।’

उनले भनिन्, ‘मसामु युवतीहरूको समूह छ । सबैले फिटिङ लेगिङ्स लगाएका छन् र छाटो टप लगाएका छन् । उनीहरूलाई हेर्दा उनीहरूले केही पनि नलगाएको र बडी पेन्ट गरेको जस्तो लाग्छ ।’ उनले थप लेखिन्, ‘आमा भएको नाताले म बच्चाहरूलाई सधैं सिकाउँछु, हरेक युवती कसैकी छोरी वा बहिनी हुन् । युवती र महिलाहरूलाई सधैं सम्मान दिनुपर्छ । तर हाम्रो फेशन उद्योगलाई कसैले किन प्रश्न गरिरहेको छैन ?

एक महिला हुनुको नाताले म यस्ता कपडा देखेर आफैं लज्जान्वित हुन्छु । हामी सबै आफ्नो शरीरको सम्मान गर्छौं त्यसैले नांगै घुम्दैनौं । यस्तो कपडा लगाउने महिलातर्फ नचाहे पनि दृष्टि पुग्छ ।’

मेरियनको चिट्ठीलाई दी अब्जर्भरले ओपेड पृष्ठमा प्रकाशित गरेपछि सामाजिक सञ्जालमा उनको विचारको विरोध भइरहेको छ । स्कूल र कलेजमा पढ्ने विद्यार्थीहरूले यसको विरोध गरिरहेका छन् ।

एजेन्सी