पोखरा । आगामि भदौ २१ गतेदेखि २८ गतेसम्म पोखरामा प्रथम विश्वकर्मा कप सेभेन ए साइड फुटबल प्रतियोगिता हुने भएको छ । विश्वकर्मा सेवा समाज लाहाचोक कास्कीको आयोजनामा आगामि भदौ २१ गतेदेखि २८ गतेसम्म फुटबल प्रतियोगिता हुने भएको हो ।
प्रतियोगितामा गण्डकी प्रदेशका सबै जिल्लाबाट सहभागि हुन पाउने भन्दै तियोगिताका संयोजक जीवन सुनारले करिब ५० वटा टिमको सहभागिता हुन सक्ने अनुमान गरे । सेवा समाजको अनुसार प्रतियोगितामा प्रथम हुने टिमले १ लाख ११ हजार १ सय ११ रुपैयाँ र दोस्रोले ५१ हजार १ सय ११ रुपैयाँ नगद पुरस्कार प्राप्त गर्ने भएका छन् । त्यस्तै प्रतियोगितामा उत्कृष्ट खेलाडीलाई १० हजार, बेस्ट डिफेन्स, बेस्ट गोलकिपर, बेस्ट मिडफिल्डर र हाइस्कोरर विधामा जनही ५ हजार पुरस्कार प्रदान गरिने भएको छ । बगर हरिचोकस्थित राष्ट्रिय उच्च माविको खेलमैदानमा प्रतियोगिता हुनेछ ।
विश्वकर्मा समुदायका युवाहरुलाई एकतामा बाँध्ने र अन्य समुदायका युवासंग पनि सद्भाव अनि भाइचारा बाँड्ने लक्ष्य सहित उक्त प्रतियोगिता आयोजना गर्न लागिएको संयोजक सुनारले बताए । प्रतियोगिताका लागि १३ लाख रुपैयाँ खर्च लाग्ने समाजले जनाएको छ ।
प्रतियोगिताका अर्थ संकलन सँयोजक राजेन्द्र गहतराजले प्रतियोगिताबाट १९ लाख रुपैयाँ संकलन हुन बताए ।प्रतियोगिताबाट बचेको रकम लाहाचोकस्थित जनजागरण आधारभुत विद्यालयको स्तरोन्नती र सोही ठाऊँमा रहेको शिव तथा विश्वकर्मा मन्दिरको निर्माणमा खर्च गरिने आयोजकले जनाएको छ ।
सम्बन्धित खबर
आठौं पोखरा स्पोर्ट्स अवार्ड : ४ विधाको मनोनयन सार्वजनिक
त्रिभुवन शान्ति मावि र अम्मरसिंह मावि विजयी
टाइगरले वर्ष उत्कृष्ट खेल संघसंस्थाको पुरस्कार प्रायोजन गर्ने
पोखरामा विद्यालय स्तरिय टी–ट्वान्टी छात्रा क्रिकेट प्रतियोगिता सुरु
पोखरा स्पोर्ट्स अवार्डको तयारीमा तीव्रता, सहयोग आउने क्रम जारी
एशिया कप ट्रायथलन : इजिप्टका सिफेल्दिन र इजरायलकी इड्डा बने च्याम्पियन
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग