पोखरा । गण्डकी प्रदेशका मुख्यमन्त्री पृथ्वीसुब्बा गुरुङ २ करोड १५ लाख ४० हजार सात सय ४१ रुपैयाँ लागतमा निर्माण गरिएको नयाँ क्वार्टरमा सरेका छन् ।
जिल्ला प्रशासन कार्यालय कास्कीले सहिदचोकमा प्रमुख जिल्ला अधिकारीको आवास प्रयोजनका निम्ति बनाएको नयाँ क्वार्टरमा शुक्रबार बिहान मुख्यमन्त्री गुरुङ पूजाआजा गरेर प्रवेश गरेका हुन् ।
शुक्रबार बिहान गण्डकी प्रदेशका मन्त्रीहरु, प्रदेशसभा सदस्यहरु तथा मुख्यमन्त्रीका आफन्तहरु प्रजिअको आवास प्रयोजनका लागि भनेर निर्माण गरिएको तर प्रयोगमा नआएको क्वाटरमा पुगे । अनि मुख्यमन्त्री गुरुङले पण्डितले निकालेको उचित साइत अनुसार पूजाआजा गरे, क्वाटरको मुख्य ढोकामा नरिवल फुटाए अनि नयाँ क्वार्टरमा प्रवेश गरे ।
गण्डकी प्रदेशका मुख्यमन्त्रीको रुपमा निर्वाचित भएपछि पोखरा महानगरपालिकाले उपलब्ध गराएको गेस्टहाउस, राष्ट्र बैंक गेस्टहाउस, पार्दीस्थित महानगरको गेस्ट हाउसमा बस्दै आएका गुरुङ आजदेखि नयाँ क्वार्टरमा सरेका हुन् । प्रदेश सरकार गठन भएको लामो समय बितिसक्दा पनि प्रदेश सरकारको आफ्नै भवन नहुँदा मन्त्री तथा प्रदेश प्रमुखहरु अन्य कार्यालयको भवनमा बस्दै आएका छन् ।
सम्बन्धित खबर
पोखरामा एकै दिन दुई किशोरको डुबेर मृत्यु, फुस्रेखोलामा फेरि १६ वर्षका सुप्रिम डुबे
अनेरास्ववियु कास्कीले गर्यो बुद्धिचाल प्रतियोगिता
वर्ल्ड लिङ्कले ट्राफिकलाई गर्यो सहयोग, ६५ थान सामाग्री हस्तान्तरण
मानव अधिकारका सवालमा सबै पक्ष गम्भिर बन्नुपर्छः प्रदेश प्रमुख भट्ट
‘रवीन्द्र साझा नेता हुन्, एमालेको मात्र भनिएमा अन्याय हुन्छः काँग्रेस
कास्कीको अन्नपूर्णमा सामुदायिक बनमा आगो लगाउने एक व्यक्ति पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग