श्यामशितल परियार, लमजुङ । जिल्ला प्रहरी कार्यालय लमजुङले जिल्लाका विभिन्न ठाउँमा गाँजा फडानी गरेको छ । लागुऔषध दुरुपयोग तथा ओसारपोसार विरुद्धको अन्तर्राष्ट्रिय दिवसको अवसरमा आयोजित सप्ताहव्यापी नियन्त्रण तथा जनचेतना मुलक कार्यक्रमको अवसरमा शनिबार जिल्लाका विभिन्न १७ स्थानमा गरी १९ हजार ६ सय ३४ गाँजाको बोट फडानी गरी नष्ट गरिएको जिल्ला प्रहरी कार्यालय लमजुङका प्रहरी निरीक्षक वसन्त पाण्डेले जानकारी दिए ।

उनका अनुसार जिल्लाको अर्चलवोट, ऐसेलुचौर, मियाँगाउँ, भागिरथि, ठूलोश्वाँरा, भलायखर्क, प्यारजुङ, भुजेलगाँउ, गैरीश्वाँरा, स्वामीभञ्ज्याङ, सूर्यपाल, गिलुङ, बोहोरावेसी, दिङ्दिङ, तपु, चिसंकु लगायतका स्थानमा स्थानीय प्रहरीको सक्रियताका साथै स्थानीय सरोकारवालाको सहयोगमा गाँजा फडानी गरी नष्ट गरिएको हो । गाँजा फडानीका लागि जिल्ला प्रहरी कार्यालयका प्रहरी निरीक्षक पाण्डेको कमाण्डमा १७ प्रहरीको टोली खटिएको थियो ।