पोखरा । सत्तारुढ नेकपाका सांसद खगराज अधिकारीले गण्डकी प्रदेशको राजधानी पोखरा नाकाबन्दीमा पर्ने सम्भावना देखिएको बताएका छन् । सोमवार प्रतिनिधिसभा बैठकको विशेष समयमा सांसद अधिकारीले प्रदेशको एकमात्र प्रवेशद्वारमा रहेको विजयपुर खोलाको पुल बिगत तीन महीनादेखि क्षतिग्रस्त रहेको जानकारी गराउँदै यसको निर्माणमा सरकारले चासो नदिएको बताए ।
‘अहिले ‘सस्पेन्सन ब्रिज’ बनाएर निर्वाह चलाउने भन्दै भौतिक पूर्वाधार मन्त्रालयले भने पनि आजसम्म कुनै काम प्रारम्भ भएको छैन,’सांसद अधिकारीले भने, ‘अब त्यो सदरमुकाम नाकाबन्दीको घेरामा पर्ने गम्भीर सम्भावना भएको हुनाले यथाशीघ्र अस्थायी र स्थायी पुल निर्माण गर्न नेपाल सरकारको ध्यानाकर्षण गराउँछु ।’
उनले निरन्तरको वर्षापछि कास्कीको मादी नदीले निर्माणाधीन मोटरेबल पुल बगाएकाले त्यसको निर्माणको व्यवस्था गर्न सरकारसँग माग गरे । तत्कालीन जिल्ला विकास समितिबाट ठेक्का पारेर हेटौँडाको मृत सञ्जीवनी निर्माण सेवाले सो पुल निर्माणको जिम्मा पाएको थियो । निरन्तरको वर्षापछि मादी नदीले आइतबार पुल बगाएको थियो । अधिकारी कास्की क्षेत्र नम्बर १ बाट निर्वाचित सांसद हुन् ।
सम्बन्धित खबर
बागलुङ कालिका दर्शन गरी तनहुँ फर्कँदै गर्दा पोखराको हेम्जामा बस दुर्घटना
लेकसाइडमा स्कुटरलाई ठक्कर दिएर भागेका कुशल पक्राउ
गण्डकी प्रहरी प्रमुख बनिन् डीआईजी दुर्गा
पोखरामा पेस्तोल सहित एक व्यक्ति पक्राउ
गण्डकीमा डायलासिस सेवाको प्रतिक्षामा रहेकाको संख्या शून्यमा झार्ने लक्ष्य पूरा
मगर विद्यार्थी संघ पिएन क्याम्पसको अध्यक्षमा अनोक पुलामी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग