काठमाण्डौमा सम्पन्न १६ औं संस्करणको पल्सर स्पोर्टस् अर्वाडमा प्याराग्लाइडिङका योगश भट्टराई वर्ष उत्कृष्ट प्रशिक्षक बन्न सफल भएका छन् । सन् २०१८ मा इन्डोनेशियामा सम्पन्न १८ औं एशियाली खेलकुदमा उनको प्रशिक्षणमा रहेको प्याराग्लाइडिङ टिमले रजत पदक जित्न सफल रहेको थियो ।

आफ्ना चार जना प्रतिष्पर्धीलाई उछिन्दै योगेशले उक्त अर्वाड हात पार्न सफल भएका हुन् । उनको प्रतिष्पर्धामा फुटबलका हरि खड्का, एथलेटिक्सका धनीराम चौधरी, क्रिकेटका जगत टमाटा र भलिबलका ज्ञानेन्द्र बिष्ट रहेका थिए । उनले अर्वाड संगैं पल्सर बाइक पाएका छन् ।

गत महिना पोखरामा सम्पन्न चौथो पोखरा स्पोर्टस अर्वाडमा मनोनयनमा समेत उनी परेका थिएनन् । उनीबाटै प्रशिक्षित खेलाडी यूकेश गुरुङ भने अर्वाड हात पारेका थिए । गण्डकी प्रदेशमा उत्कृष्ट बनेका यूकेश मुलुकभरमा पनि वर्ष खेलाडी बन्दै पल्सर बाइक जितेका छन् ।

योगेशले करिब २० वर्ष देखि पोखरामा रहेर प्याराग्लाइडिङको क्षेत्रमा आफूलाई स्थापित गरिसकेका छन । अर्वाड कार्यक्रममा नेपाललाई एशियाली खेलमा एक मात्र पदक जिताउन सफल रहेको प्याराग्लाइडिङ टिमलाई सम्मान गरिएको थियो ।

तस्विरः सुदर्शन रञ्जित