तनहुँ । जिल्ला प्रशासन कार्यालय तनहुँमा सोमबारबाट राष्ट्रिय परिचय पत्रको विवरण दर्ता कार्यक्रमको शुभारम्भ गरिएको छ । अपराधिक क्रियाकलापमा संलग्न व्यक्तिलाई सहज रुपमा नियन्त्रण गर्न टेवा पुर्याउने उद्देश्यले राष्ट्रिय योजनाको पहिलो चरणमा राष्ट्रिय परिचय पत्रको विवरण दर्ता थालिएको हो ।
गण्डकी प्रदेशका आन्तरिक मामिला तथा कानुन मन्त्री हरिबहादुर चुमानले आफ्नो व्यक्तिगत तथा जैविक विवरण दर्ता गराएर कार्यक्रमको शुभारम्भ गरेका हुन् । कार्यक्रममा बोल्दै मन्त्री चुमानले अहिलेको युग आधुनिक प्रविधिले उत्कर्षमा पुगेको बताए ।
उनले प्रविधि विकासले अझ नयाँ-नयाँ प्रविधिले ठाउँ पाउने बताए । प्रविधिको प्रयोगसँगै नागरिकता समेत विस्थापित हुने अपेक्षा उनको छ ।
व्यास नगरपालिकाका प्रमुख वैकुण्ठ न्यौपानेले व्यक्तिगत तथा जैविक विवरणबाट बनेका राष्ट्रिय परिचय पत्रले अपराधिक गतिविधिमा संलग्न हुने व्यक्तित्वलाई पक्रन सहज बनाउने बताए । सञ्चार माध्यमहरुले परिचय पत्र लिन प्रोत्साहित गर्दै राष्ट्रिय परिचय पत्रको बारेमा जानकारी गराउन उनको सुझाव छ ।
प्रमुख जिल्ला अधिकारी रुद्रप्रसाद पण्डितले जिल्ला प्रशासनबाट राष्ट्रिय परिचयपत्र बहुआयमिक बनाउने लक्ष्यका साथ सरकारले ल्याएको प्रावधानलाई उपयोग गर्नुपर्ने बताए ।
जिल्ला समन्वय समिति तनहुँका प्रमुख शान्तिरमण वाग्लेको अध्यक्षतामा सम्पन्न कार्यक्रमको सञ्चालन सहायक प्रमुख जिल्ला अधिकारी तुलसीराम पौडेलले गरेका थिए ।
सम्बन्धित खबर
निर्वाचन र होलीलाई शान्तिपूर्ण बनाउन स्याङजामा प्रशासनको अपिल
चापाकोटमा निर्वाचन सुरक्षाबारे उच्चस्तरीय छलफल, शान्तिपूर्ण मतदानमा जोड
स्याङ्जामा प्रतिनिधिसभा निर्वाचनका लागि करिब दुई हजार कर्मचारी खटाइँदै
वालिङ अस्पतालमा पहिलोपटक शव राख्ने फ्रिज सुविधा थपियो
स्याङ्जामा चुनावी ‘ड्राइ डे’ लागू, नतिजा नआएसम्म मदिरा बिक्रीवितरण तथा सेवनमा अस्थायी रोक
गोरखामा जिप दुर्घटना हुँदा चालकको मृत्यु
यो पनि पढौँ
धादिङ बस दुर्घटना: १९ मृतकको पहिचान खुल्यो, मृतक तीन विदेशी
धादिङमा बस दुर्घटनाः मृतकको सङ्ख्या १९ पुग्यो, २२ बढी घाइते
अटोवेजले भित्र्यायो ‘युरो–६’ लक्जरी बस, स्विफ्ट होलिडेजद्वारा ६ बस सञ्चालनमा [तस्वीरहरू]
चुनावमा तीन दिन बिदा दिन सरकारलाई आयोगको सिफारिस