पोखरा । स्कूल बसहरु एकै रंगका हुनुपर्छ । सार्वजनिक सवारीहरुमा साना विद्याथीृहरु ओसार्न कुनै विद्यालयले पाउँदैन । तर, पोखराका स्कुलबसहरुमा भेडाबाख्रा झैं कोचाकोच पारेर विद्यार्थी बोक्ने गरेको भनेर हरेक स्कुलहरु आलोचित भईरहँदा सार्वजनिक नम्बर प्लेट प्रयोग गरि विद्यार्थी बोक्न प्रयोग गरेको समेत भेटिएको छ ।

उसो त स्कुलहरुले जाँचपास पनि नगर्ने, रुट इजाजत पनि नलिने गरेको आरोप पनि लागिरहेको छ । नियम विपरित सञ्चालित ५ वटा बस अहिले तीन दिन जति भो पृथ्वीचोकको व्यस्त बजार छेउमा लहरै राखिएको । कास्की जिल्ला ट्राफिक प्रहरी कार्यालय अगाडि नै बसहरु तेसारिएर बसेका छन् । राख्ने ठाउँ नभएको कारण त्यहीं राखिएको कास्की ट्राफिक प्रहरीले जनाएको छ । कार्यालयका प्रवक्ता सई जितसंग कार्कीले बस सञ्चालन निर्देशिका विपरित सञ्चालन भएका नीजि विद्यालयका विद्यार्थी बोक्न प्रयोग भएका बसलाई नियन्त्रणमा लिइएको ट्राजनाए ।

जुनियर सिटिजन्स एकेडेमीको ‘ना ८ ख, ३६०४’, मेट्रोपोलिटन एकेडेमीको ‘ग १ ख, २७६१’, एल।ए। सेकेन्डरी स्कुलको ‘ग १ ख, २४८८’ र होलि एन्जल सेकेन्डरी स्कुलको ‘ध १ ख, २४६’ नम्बरको बस कालो नम्बरप्लेटवाला हुन् । अर्थात्, सार्वजनिक सवारी । जसले यात्रु बोक्छन् । पिस जोन एकेडेमीको ‘ग १ क, ६४२’ नम्बरको बस मात्रै निजी हो । यो पक्राउ परेको चाहिँ सवारी कर नतिरेर हो ।

नियन्त्रणमा लिइएका बसलाई थप कारबाही गर्ने अधिकार ट्राफिक प्रहरीलाई छैन । २ हजार भन्दा बढी जरिवानाका लागि यातायात कार्यालय नै पठाईन्छ । त्यहाँ ५ हजार वा सो भन्दा बढी जरिवाना गर्ने तयारी गरिएको छ ।