चितवन । नारायणी पुलबाट बुधबार हाम्फालेका युवक वेपत्ता छन् । एक युवती हाम्फालेको ठिक तीन महिनापछि बुधाबार सोही पुलबाट भरतपुर नगरपालिका ११ निवासी २५ वर्षीय उदार पौड्याल हाम्फालेर बेपत्ता भएका हुन् । बुधबार दिउँसो स्कुटी चढेर आएका पौड्याल युवती रुँदा रुँदै हाम्फालेका थिए ।

उनी हाम्फाल्ने क्रममा एक जना युवाले तान्ने प्रयास गरेका थिए । एक जना प्रत्यक्षदर्शीका अनुसार उनीसँगै आएकी एक युवती पुल किनारमा डाको छाडेर रुँदै थिइन् । एक प्रत्यक्षदर्शी भन्छन्, ‘ती युवती ठुलो स्वरमा चिच्चाउँदै र रुँदै गरेको दृश्य निकै कारुणिक थियो । उनीहरु बिचको नाता सम्बन्ध भने के थियो थाह भएन ।’ ती युवतीसँग सोधपुछ–अनुसन्धान गरिँदै रहेको र बेपत्ता युवाको खोजी कार्य भइरहेको त्यहाँका प्रहरी प्रमुख एसपी दानबहादुर मल्ले बताए ।

सोही पुलबाट असार १ गते शुक्रबारका दिन विवाह भएको तीन महिना मै हाम्फालेर बेपत्ता भएकी चितवनको राप्ती नगरपालिका ६ , वीरेन्द्रनगरकी २१ वर्षीया कविता सापकोटाको शव अझै भेटिएन ।

उनका श्रीमान २९ वर्षीय पवन सापकोटाको परिवारले उनको काजकिरिया गरिसकेका छन् । उनको माइतीघर कञ्चनपुरको महेन्द्रनगर नगरपालिका १८ खरकी हो । उनी त्यहाँको सनराइज पब्लिक हाइस्कुलमा एसईईको अध्यायन पुरा गरी नवलपरासीको देवचुली नगरपालिका ३ दलदले भाग्यपुरीस्थित मामा रेशम सापकोटाको घरमा आएर कक्षा ११ को जाँच दिइ बसेकी थिइन् । उनीहरुको तीन महिनाअघि मागी विवाह भएको थियो ।

मामा घरमा आएकी बहिनीलाई उसै दिन विहान भेटन आएका दाजु हरि बसेलसँग स्कुटीको पछाडि बसेर आएकी थिइन् । तर जाम भएर रोकेको बेला उनी एक्कासी ओर्लेर हाम्फालेकी थिइन् ।

प्रेम सुनार, रातोपाटी ।