पोखरा । एनएमबी बैंक लिमिटेड र ओम डेभलपमेन्ट बैंक मर्ज भएर आइतबारदेखि नै एकीकृत सेवा सुरु गरिसकेको छ । एनएमबीको साउन २८ गते बसेको साधारणसभाले ओम डेभलपमेन्ट बैंकलाई गाभ्ने निर्णय गरेको थियो । राष्ट्र बैंकबाट अन्तिम स्वीकृतिपछि एनएमबी बैंकको नामबाट संयूक्त कारोबार सुरु भएको छ । एनएमवि बैंकले ओमका सिइओसहित अधिकांश कर्मचारीलाई बिदाई गर्दै गरेको समाचार बैंकिङ खबर डटकमले प्रकाशित गरेको छ ।

अब विकास बैंकको सूचीबाट अर्को ठुलो राष्ट्रिय स्तरको विकास बैंक घटेको छ । ओम डेभलपमेन्ट बैंकका सिइओ विश्वमोहन अधिकारी सहित अधिकांश कर्मचारी बाहिरिएका छन् । उनीहरुलाई एनएमबी बैंकले अस्वीकार गर्दै बिदाईको तयारी गरेको न्यूज छ ।

लामो समय बैंकिङ क्षेत्रमा रहेका ओृमका सिइओ अधिकारीले डेपुटी सिइओ पनि नपाएपछि एनएमबिमा नजाने भएका हुन् । उनको बैंकिङ करीयरमा पूर्णविराम लाग्ने संकेत देखिएको छ । पोखरामा केन्द्रीय कार्यालय रहेको ओम डेभलपमेन्ट बैंक अब पूर्ण रुपमा विलय भएको छ । अन्य कतिपय कर्मचारीलाई दुई तह र कसैलाई एक तह तल्लो स्तरमा झार्ने एनएमविको निर्णय ओमका सबैजसो कर्मचारीले अस्वीकार गरेका हुन् ।