अमेरिकाको एक विद्यालयमा बिहीबार भएको गोलीकाण्डमा दुई विद्यार्थीको मृत्यु भएको छ भने तीन जना घाइते भएका छन्। साउथ क्यारोलिना राज्यको सउगुस हाइस्कुलका एक किशोरले विद्यालय परिसरमा आफ्ना साथीमाथि गोली हानेका थिए। गोली लागेर एक छात्रा र एक छात्रको मृत्यु भएको छ भने दुई छात्रा र एक छात्र घाइते भएका छन्। बन्दुकधारी विद्यार्थीले अन्तिम गोली भने आफैंलाई हानेका थिए। बिहीबार उनको १६ औं जन्मदिन थियो।
उनले किन गोली हाने र बन्दुक कहाँबाट ल्याए भन्ने खुलेको छैन। अघिल्लो दिन उनले इन्स्टाग्राममा ‘भोलि सइगुस स्कुलमा रमाइलो हुनेछ,’ भन्ने स्टाटस लेखेका थिए। उक्त पोस्ट पछि डिलिट गरिएको थियो। बन्दुकधारी विद्यार्थी जापानी मूलकी आमा र अमेरिकी बाबुका छोरा थिए। उनका बाबुको दुई वर्षअघि हृदयघातका कारण मृत्यु भएको थियो। उनकी दिदी पनि कामको शिलशिलामा बाहिर गएकी थिइन्।
प्रहरीले उनकी छिमेकीसँग ती किशोरका बारे सोधपुछ गरेको छ। छिमेकीले किशोर धेरै नबोल्ने खालका भएको बताएकी छन्। ‘बुवाको मृत्युपछि ऊ धेरै विक्षिप्त देखिन्थ्यो,’ नर्ससमते रहेकी उनकी छिमेकी जेरेड एक्सेनले रोयटर्ससँग भनिन्,‘म उसलाई स्कुल कस्तो हुँदैछ भनेर पनि सोध्थें। तर उसले कहिल्यै कसैले नराम्रो गरेको भनेन।’
आफैंले हानेको गोली लागेर घाइते भएका ती किशोरको स्थानीय अस्पतालमा उपचार भइरहेको छ। अमेरिकाका विद्यालयमा गोलीकाण्ड भइरहन्छन्। सन् २०१८ फेब्रुअरी १४ मा भएको गोलीकाण्डमा १७ विद्यार्थीको मृत्यु भएको थियो। फ्लोरिडाको मार्जोरी स्टोनमान डगलस हाइस्कुलका एक पूर्वविद्यार्थीले विद्यालय हाताभित्र पसी गोली हानेका थिए।
सम्बन्धित खबर
कास्कीको अन्नपूर्णमा सामुदायिक बनमा आगो लगाउने एक व्यक्ति पक्राउ
पोखराको हर्पन खोलामा डुबेर एक बालकको मृत्यु
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
वैदेशिक रोजगारका नाउँमा ठगी धन्दा, झन्डै ५ करोड ठगी गरेको आरोपमा ६ जना पक्राउ
पोखरामा कक्षा १२ को परिक्षाको प्रश्नपत्र आउट गर्ने कार्यमा संलग्न रहेको आरोपमा २ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग