चितुवाले तनहुँका विभिन्न स्थानमा आतंक मच्चाएको छ । नौ बालबालिकाको ज्यान लिइसकेको छ । ४ बालबालिका मुस्किलले बचे । ६ वटा चितुवालाई खोरमा पारिसकिएको छ । एउटा मृत भेटियो । तनुहँबासी आतंकित भइरहेका बेला कास्कीमा पनि चितुवा देखा परेको छ । त्यो पनि विद्यालयमै ।
पोखरा ३२, तल्लो गगनगौंडास्थित हिमालय आधारभूत विद्यालय परिसरमा चितुवा पसेपछि मंगलवार करिब दिनभर स्थानीय त्रसित बनेका छन् । बिहान करिब १० बजे एक्कासी विद्यालय परिसर चितुवा देखिएपछि स्थानीय त्रसित बनेका हुन् । पछि सो चितुवा लखेड्दै जाँदा सोही स्थानमा रहेको मुस्ताङ जीआई वायर इण्डट्रिज एण्ड सप्लायर्स प्रा.लि.मा रहेको घरभित्र छिरेपछि झन् आतंक मच्चिएको हो । स्थानीयवासी, लेखनाथ सवडिविजन वन कार्यालयका कर्मचारी, वडा प्रहरी कार्यालय पावरहाउसको सुरक्षा निकायले घरभित्र लुकेको सो चितुवालाई सुरक्षा दिए ।
यस्तै, चितवन राष्ट्रिय निकुन्जका डटिङ्ग टोली सोही स्थानमा आई चितुवा बेहोस बनाई खोरमा राखेर लगिएको लेखनाथ सव-डिभिजन कार्यालयका सहायक वन अधिकृत रामबहादुर बिकले जनाए। सो चितुवा छिमेकी शुक्लागण्डकी २, बाङे्रह थेप्चे सामुदायिक वनबाट आएको अनुमान गरिएको छ ।
सम्बन्धित खबर
द्वितीय युद्धकालीन उपन्यास ‘खोजीमा’ पोखरा आइपुग्यो
पोखरामा धुवाँको कालो मुस्लो फ्याँक्ने ११ गाडी नियन्त्रण
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग