तनहुँ । तनहुँको व्यास १२ कमलबारीमा दुई बस ठोक्किदा दुर्घटना भएको छ । दमौलिबाट मुग्लिङ्ग तर्फ जादै गरेको ना ७ ख २०६ नम्बरको बस र डुम्रेबाट दमौली आउदै गरेको ना ५ ख २८५६ नम्बरको बस एकआपसमा ठोक्किदा उक्त दुर्घटना भएको हो ।
उक्त दुर्घटनामा परि दुई बसको ४३ जना यात्रु घाइते भएको जिल्ला प्रहरी कार्यालय तनहुँले जनाएको छ ।
पृथ्वी राजमार्गमा भएको उक्त दुर्घटना घाइते भएकाहरुको दमौलि स्थित रत्नहरि अस्पतालमा २२ जना, एपोलो अस्पतालमा १३ र दमौली अस्पतालमा ३ जनाको उपचार भईरहेको प्रहरीले जनाएको छ ।
ना ५ ख २८५६ नम्बरको बस चालक भरतपुर उपनगरपालिका १४ का ४६ वर्षीय ढकमणि महतो सहित ५ गम्भीर घाइतेलाई पोखरा र चितवन रिफर गरिएको छ ।
३ जना घाइतेलाई चितवन मेडिकल कलेज र २ जनालाई पोखरा स्थित मणिपाल अस्पतालमा रिफर गरिएको प्रहरीले जनाएको छ ।
अहिले एकतर्फी सडक संचालनमा आएको जिल्ला प्रहरी कार्यालय तनहुँले जनाएको छ । सडकमा भएको दुर्घटनाग्रस्त सवारी हटाउने काम भईरहेको जिल्ला प्रहरी कार्यालय तनहुँमा प्रमुख एसपी विनोद सिलवालले बताए ।
शनिबार मात्रै सोहि स्थानमा बसको ठक्करबाट एक महिलाको मृत्यु भएको थियो । मृत्यु हुनेमा व्यास-१२ को देउराली खानीगैह्राकी ५५ वर्षीय विष्णुमाया घर्ती रहेकी छन् ।
सम्बन्धित खबर
द्वितीय युद्धकालीन उपन्यास ‘खोजीमा’ पोखरा आइपुग्यो
कोरोला नाकामा पहिलो पटक बत्ती बल्यो
गण्डकी मुख्यमन्त्री अधिकारीले २३ गते ३ बजे विश्वासको मत लिँदै
पोखरामा धुवाँको कालो मुस्लो फ्याँक्ने ११ गाडी नियन्त्रण
कुश्मा वडा नं. २ मा ‘ज्येष्ठ नागरिकसँग वडाध्यक्ष’ कार्यक्रम प्रभावकारी
स्याङ्जामा आगलागीका घटना दिनहुँ बढ्दै, लाखौंको क्षति
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग