पोखराको बजारक्षेत्रमै चितुवाले आंतकित पारेको छ । तनहुँ, कास्की, स्याङ्जा, पर्वतमा चितुवाले आतंक फैलाइरहेको समयमा बजार क्षेत्रमै चितुवा देखापरेको हो । विहीबार बिहानै ७ बजेतिरको समयमा पोखरा महानगरपालिका १३ मियापाटन बस्ने खगेन्द्र बहादुर गुरुङको घरमा चितुवा पसेको हो ।
घरभित्र रहेका गोरखाको गोरखा नगरपालिका ७ आमडाडा घर भई हाल औद्योगिक क्षेत्र डेरा गरी बस्ने वर्ष ३० को श्याम थापालाई उक्त चितुवाले आक्रमण गरेको हो । तत्काल घटनास्थलमा प्रहरी खटिएको थियो । ढोका खोल्ने बित्तिकै सशस्त्र प्रहरी नं.३४ गुल्म औद्योगिक क्षेत्रमा कार्यरत स.प्र.ह.वर्ष ३६ को फटिक मगरलाई झम्टिएको थियो । उनको हातमा चोट लागेको जिल्ला प्रहरी कार्यालय कास्कीका प्रहरी निरिक्षक नरहरि अधिकारीले जानकारी दिए । थापाको भने टाउको र दाहिने पाखुरामा आक्रमण गरेको छ ।
https://www.facebook.com/gandaknews/videos/1098061393861419/
दुवै घाईतेलाई पश्चिम क्षेत्रिय अस्पताल पोखरामा लगिएको थियो । उक्त आक्रमण गर्ने चितुवालाई सोही घरको बाथरुममा थुनी वन कार्यालयलाई जानकारी गराईएका थियो । चितुवालाई खोरमा पारी नियन्त्रणमा लिइएको थियो ।
यसअघि, माघ २३ गते पोखरा महानगरपालिका ३२ काठेगाउँकी ७ वर्षीया बालिका पूजा बिकको ज्यान लिएको थियो । पोखरा – ३२ तल्लो गगनगौंडा स्थित हिमालय आधारभूत विद्यालय परिसरमा पसेको चितुवालाई भने नियन्त्रणमा लिइएको थियो । साउन १ गते पोखरा १६ चिप्लिकुनामा रहेको एक कुखुरा फार्ममा पसेको चितुवालाई पनि टेलइन्जेक्ट डार्टगनबाट बेहोस बनाई नियन्त्रणमा लिइएको थियो ।
सम्बन्धित खबर
द्वितीय युद्धकालीन उपन्यास ‘खोजीमा’ पोखरा आइपुग्यो
पोखरामा धुवाँको कालो मुस्लो फ्याँक्ने ११ गाडी नियन्त्रण
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग