सुन्दरकुमार थकाली, जोमसोम । विश्वव्यापी माहामारीको रूपमा फैलिएको कोरोना भाइरस (कोभिड–१९) रोकथाम तथा नियन्त्रण गर्न मुस्ताङको वारागुङ मुक्तिक्षेत्र गाउँपालिका सक्रियताका साथ लागेको छ ।
पालिकाले सोमबारदेखि नेपाली तथा स्थानीय मातृभाषा अर्थात भोट भाषामा कोरोना सम्वन्धि जनचेतनामूलक कार्यक्रम अघि बढाएको छ ।
पालिकाले स्थानीयबासीलाई नेपाली तथा मातृभाषा दुबैको अनुकुल हुने गरी अडियो प्रचार-प्रसार अभियानलाई तीव्रता दिएको अध्यक्ष फेञ्चोक छेप्तेन गुरुङ (धारा)ले जानकारी दिए । उनका अनुसार स्थानीय गुरुङ भाषालार्ई ङज्याप भाषा पनि भन्ने गरिन्छ ।
विश्वलाई आतंकित पारेको नोवल कोरोना भाइरस फैलिन नपाओस् भन्ने उद्देश्यले सरकारका तर्फबाट गठित समितिको निर्णय अक्षरस कार्यान्वयन गर्न स्थानीय सरकार लागि परेको अध्यक्ष गुरुङले बताए ।
सोमबारदेखि पालिकाका जनप्रतिनिधि तथा कर्मचारीले वारागुङ मुक्तिक्षेत्रका गाउँगाउँमा कोरोना सम्वन्धित अडियो बनाउँदै सर्वसाधारणलाई सचेत गराउने काम गरेको पालिकाका स्वास्थ्य संयोजक खगेन्द्र बोहोराले जानकारी दिए । उनले कोरोना नियन्त्रण गर्न पालिका र स्थानीयले समन्वय गरी अघि बढेको उल्लेख गरे ।
पालिकाले देश विदेशमा रहेका मुस्ताङबासीलाई गाउँ नफर्की यथास्थानमा रहन अनुरोध गरेको सूचना अधिकारी सूर्य तिमिल्सिनाले बताए । उनका अनुसार जिल्लाबाहिर रहेका पालिकाबासीलाई गाउँ फर्कने परे अनिवार्य १४ दिन पालिकाले खडा गरेको क्वारेन्टाइनमा बस्नपर्ने समेत जानकारी गराएको छ ।
पालिकाले अडियो टेपमार्फत लक डाउनको पूर्ण रुपमा कार्यान्वयन गर्न ,अति आवश्यक सेवाबाहेक घरबाहिर ननिस्कन आग्रह गरेको छ । यस्तै , पालिकाले हुलहुज्जत नगर्न र सामाजिक दुरी कायम गर्न भनेको छ ।
रुखा लाग्दा ,ज्वरो आउँदा, स्वाश प्रश्वासमा समस्या देखिए तुरुन्तै स्वास्थ्य चौकीलाई खबर गर्नसमेत पालिकाले सुझाएको छ ।
सम्बन्धित खबर
बागलुङ कालिका दर्शन गरी तनहुँ फर्कँदै गर्दा पोखराको हेम्जामा बस दुर्घटना
डढेलो लगाउनेलाई जन्मकैद हुनुपर्छः मुख्यमन्त्री अधिकारी
एशिया कप ट्रायथलन : इजिप्टका सिफेल्दिन र इजरायलकी इड्डा बने च्याम्पियन
फूलबारीमा अटो दुर्घटना हुँदा दुई जना घाइते
मोटरसाइकल दुर्घटनामा श्रीमानको मृत्यु, श्रीमती गम्भीर घाइते
पोखरासहित गण्डकी क्षेत्रमा सार्वजनिक यातायातमा विद्युतीय साधन बढ्दै
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग