स्याङ्जा । कोरोना संक्रमणले त्राहीत्राही र हप्तौको लकडाउनको प्रभाव खेपिरहेका बेला स्याङ्जाका जनप्रतिनिधि बीच कुटाकुटा भएको घटना सार्वजनिक भएको छ ।
बुधबार साँझ करिब ८ बजे वालिङ–१३ बयाँटारीस्थित जंगल रेष्टुरेण्टमा जिल्ला समन्वय समिति स्याङ्जाका उप–प्रमुख दिलीपकुमार बगाले र वालिङ नगरपालिका वडा नम्बर १० का वडा अध्यक्ष अनन्तराज गैरेबीच कुटाकुट भएको घटना सार्वजनिक भएको हो ।
कुटाकुटा हुँदा वडा अध्यक्ष गैरेको बायाँ हात भाँच्चिएको छ । उनको पोखरास्थित फेवासिटी अस्पतालमा उपचार भैरहेको छ । उनलाई बिहीबार बिहान नेकपा वालिङ नगर कमिटीका अध्यक्ष राजेन्द्र डुम्रे र छिमेकी धन पराजुलीले उपचारका लागि पोखरा लगेका हुन् ।
अध्यक्ष गैरैलाई सम्पर्क गर्दा उपचारमा रहेकाले सम्पर्क हुन सकेन । उनको फोन पराजुलीले उठाएका थिए ।
यता जिल्ला समन्वय उप–प्रमुख दिलीपकुमार बगालेले भने कुटाकुट घटनामा आफ्नो संलग्न नरहेको बताए । उनले भने, ‘सामान्य भनाभन भएको हो । कसले कुटपिट ग-यो थाहा छैन ।’ आफूसँगै रहेका केही साथीहरुले घटना घटाएको हुनसक्ने उनले आशंका गरे ।
घटनाका प्रत्यक्षदर्शी धनबहादुर मल्लले कुटपिटमा समन्वय उप–प्रमुखको संलग्न रहेको बताए । उनले घटना घटेको समयमा व्यवसायीद्वय नमलाल डुम्रे र अर्जुन खनाल पनि सँगै रहेको बताए । उनले अनुसार कुटपिटमा बगाले र डुम्रेको संलग्नता रहेको बताए ।
घटनामा संलग्नहरुलाई कार्वाहीका लागि वडा प्रहरी कार्यालयमा जाहेरी परेको वडा प्रहरी कार्यालय वालिङका प्रमुख इन्सपेक्टर निरञ्जन घिमिरेले बताए । ‘जिल्ला समन्वय उप–प्रमुखका विरुद्ध किटानी जाहेरी परेको छ,’ उनले भने, ‘आवश्यक अनुसन्धान छिट्टै सुरु गर्छौं ।’
घटनामा संलग्न भनिएका उप–प्रमुख बगाले र वडा अध्यक्ष गैरे स्थानीय निर्वाचनमा एउटै वडाबाट निर्वाचित जनप्रतिनिधि हुन् ।
तत्कालीन अवस्थामा उनीहरु नेकपा (एमाले) का तर्फबाट उम्मेदवार थिए । वडा सदस्यमा निर्वाचित बगाले पछि जिल्ला समन्वय उप–प्रमुखमा निर्वाचित भएका हुन् । कालीगण्डकी गाउँपालिका कोरोना संक्रमणको अनुगमन गरेर फर्केका बगाले त्यहाँ गैरे किन त्यहाँ पुगेको भन्ने बारे अहिले सम्म खुलेको छैन ।
तर बगालेलाई गैरेले सरकारी गाडी दुरुपयोगको आरोप लगाएपछि विवाद उत्कर्षमा पुगी कुटाकुटको अवस्था निम्तिएको बताइएको छ । –रातोपााटी
सम्बन्धित खबर
द्वितीय युद्धकालीन उपन्यास ‘खोजीमा’ पोखरा आइपुग्यो
कोरोला नाकामा पहिलो पटक बत्ती बल्यो
गण्डकी मुख्यमन्त्री अधिकारीले २३ गते ३ बजे विश्वासको मत लिँदै
पोखरामा धुवाँको कालो मुस्लो फ्याँक्ने ११ गाडी नियन्त्रण
कुश्मा वडा नं. २ मा ‘ज्येष्ठ नागरिकसँग वडाध्यक्ष’ कार्यक्रम प्रभावकारी
स्याङ्जामा आगलागीका घटना दिनहुँ बढ्दै, लाखौंको क्षति
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग