पोखरा । होटल देखाउन भन्दै एक १४ वर्षीया किशोरीलाई होटलमा लगेर बलात्कार गर्न खोज्नेहरु प्रहरी फन्दामा परेका छन् ।

मंगलबार बिहान साढे ६ बजेतिर चार युवकहरु ग १ च ७७४५ गाडीमा बाग्लुङ बसपार्क पुगेका थिए । आरोपीहरु अन्नपुर्ण गाँउपालिका वडा नं.१० घर घान्द्रुक घर भई हाल अन्नपूर्ण वडा नं.३, काँडे बस्ने बर्ष २४ को कपिल गुरुङ, अन्नपूर्ण ३ काँडेकै २२ वर्षीय योगेश थकाली, माछापुच्छ्रे ७ धम्पुस घर भई अन्नपूर्ण ३, काँडे नै बस्ने १९ वर्षीय पुकार गुरुङ र काँडे नै बस्ने १८ वर्षीय शुशल गुरुङलाई नियन्त्रणमा लिइएको छ ।

उनीहरुले १४ वर्षीया किशोरी मेडिकल अगाडि देखेपछि होटल देखाइदेउ न भन्दै गाडीमा चढाएर किशोरीलाई लगेका थिए । प्रहरी श्रोतका अनुसार दुई जना भने यौन क्रियामा संलग्न हुन पाइनसकेको श्रोतले जनाएको छ ।

मंगलबार बिहानको समयमा लेकसाइड स्थित एक होटलमा लगेर पालैपाले जबर्जस्ती शारीरिक सम्पर्क राख्न खोजेका थिए । उनीहरुबाट उम्कन सफल भई किशोरीले बुबालाई खबर गरेकी थिईन् । त्यसपछि किशोरीका बुबाले प्रहरीलाई खबर गरेका थिए ।

प्रहरीकहाँ सूचना पुगेको थाहा भएपछि पर्वततिर भागेका उनीहरुलाई नागडाँडाबाट पक्राउ गरेको हो । कास्की प्रहरीले औपचारिक रुपमा यसबारे बोलेको छैन ।

• अपडेट गरिएको ।