पोखरा फूलबारी स्थित मनिपाल शिक्षण अस्पतालका डाक्टरमा कोरोना भाइरस (कोभिड १९) को संक्रमण देखिएको छ । अस्पतालमा MD 1st Yr पढ्दै गरेका उनी मेडिकल वार्डमा कार्यरत रहेको बुझिएको छ ।

सोमबार पोखरामा २ जनामा कोरोना संक्रमण पुष्टि भएको थियो । तीमध्ये २९ वर्षीय पुरुष मनिपालका डाक्टर रहेको स्रोतले जनाएको छ । सामान्य ज्वरो देखिएपछि उनलाई पीसीआर परिक्षणका लागि आइतबार स्वाब लिइएको थियो । क्षेत्रीय अस्पतालको प्रयोगशालामा कोरोना पोजिटिभ देखियो ।

जाँच्दै थिए बिरामी

मनिपालमा कार्यरत एक कर्मचारीका अनुसार उनलाई कोरोनाको आशंका समेत थिएन । त्यसैले आफ्नो कामलाई पनि निरन्तरता दिइरहेका थिए । आइतबारसम्मै उनले मेडिकल वार्डमा ड्युटी जारी राखेका थिए ।

उनको आवास पनि मनिपालमै रहेकाले धेरै जनासम्म कन्ट्याक्ट हुने थिएन तर बिरामी जाँचलाई निरन्तरता दिइरहेकाले उनको माध्यमबाट बिरामी, उनका परिवारसम्म फैलियो कि भन्ने त्रास भने बढाएको छ । अस्पताल प्रशासनले तुरुन्त ति डाक्टरको सम्पर्कमा को-को थिए ? डाटा संकलन गर्नुपर्ने देखिएको छ ।

यसअघि  जेठ अन्तिम साता पर्वतमा दुर्घटनामा परेका व्यक्तिलाई कोरोना पुष्टि सोहि अस्पतालमा रहँदा भएको थियो भने गत हप्ता चिनियाँ महिला पनि मनिपालमै पहिले भर्ना गरिएको थियो । ति महिलालाई काठमाण्डौमा रेफर गरेपछि कोरोना पुष्टि भएको थियो र साउन ७ गते ज्यान समेत गयो ।

यी केसहरुले गर्दा अस्पतालमा स्वास्थ्यकर्मी उच्च सतर्कताका बीच काम गरिरहेको अस्पतालको भनाई छ । एक्कासी चिकित्सकलाई समेत कोरोना देखिएपछि भने थप सतर्कता अपनाउनुपर्ने भएको छ । घटनापछि मनिपालको मेडिकल वार्डसँगै ति चिकित्सको आवासीय भवनमा स्यानिटाइज गरिएको ति कर्मचारीले बताए ।

मनिपालको गम्भिर लापरबाहीः संक्रमित गण्डकी लैजाँदा सामान्य बिरामी सरह पठायो

मनिपालबाट काठमाण्डौ लगिएकी चिनियाँ महिलासहित कोरोनाबाट थप २ जनाको मृत्यु