पोखरा । पोखराका थप ५ जनामा कोरोना संक्रमण पुष्टि भएको छ । स्वास्थ्य निर्देशनालय गण्डकीले आइतबार बिहान पोखराका ६ वटा वडाका थप १० जनामा कोरोना भाइरस देखिएको जनाएको हो । यसअघि, आजै पोखराका ५ जना सहित गण्डकी प्रदेशमा थप १५ जनामा कोरोना संक्रमण पुष्टि भएको थियो ।

गण्डकीमा कोरोना संक्रमितको कुल संख्या १७१८ पुगेको छ ।पोखरा स्वास्थ्य बिज्ञान प्रतिष्ठानमा गरिएको परीक्षणमा कास्कीको पोखरा सहित तनहुँको व्यास नगरपालिकामा थप ९ नयाँ कोरोना संक्रमित भेटिएका छन् ।

स्वास्थ्य निर्देशनालयका अनुसार पोखरा महानगरपालिका वडा नं – ८ मा ५२ र ५१ बर्षका दुई पुरुष, वडा नं –३२ मा ८६ बर्षका १ महिला, वडा नं – २८ मा ३८ बर्षका  १ पुरुष र  वडा नं –  २६ मा ५३ बर्षका १ पुरुषमा कोरोना संक्रमण पुष्टी भएको निर्देशनालयले जनाएको छ ।

उता तनहुँको व्यास नगरपालिकाका वडा -१ मा २ महिला २ पुरुषको पनि नमुना संकलन परीक्षण गर्दा पोजेटिभ देखिएको निर्देशनालयले जनाएको छ  ।

संक्रमित सबैलाई सम्बन्धित जिल्लाको आइसोलेसन वार्डमा लैजाने तयारी भइरहेको छ ।