पोखरा । गण्डकी प्रदेशमा मध्यान्हसम्म ३९ जना कोरोना संक्रमित थपिएका छन् । स्वास्थ्य निर्देशनालय गण्डकीले मध्यान्हसम्म ४ पटक विज्ञप्ती जारी गर्दै अहिलेसम्म ३९ जना थपिएको जानकारी दिएको हो । जसअन्तर्गत सबैभन्दा धेरै लमजुङमा देखिएको छ । लमजुङमा २३ जना, नवलपुरमा ९ जना, कास्कीमा ४ जना, गोरखामा २ जना र बागलुङमा १ जना संक्रमित थपिएका छन् ।

पछिल्लो विवरण अनुसार पोखरा महानगरपालिकामा थप १ जनामा कोरोना भाइरस संक्रमण पुष्टि भएको छ । स्वास्थ्य विज्ञान प्रतिष्ठानका अनुसार पोखरा १७ का २८ वर्षीय पुरुषलाई कोरोना भाइरस संक्रमण पुष्टि भएको हो । आज बिहानै समेत कास्कीका ३ जनालाई कोरोना भाइरस संक्रमण पुष्टि भएको थियो । १ जना मादी गाउँपलिकाका रहेका थिए । योसंगै आज कास्कीमा ४ जनालाई कोरोना संक्रमण पुष्टि भएको हो ।

यस्तै, क्षयरोग उपचार केन्द्र पोखरामा गरिएको परीक्षणका क्रममा बाग्लुङका १ महिलालाई कोरोना संक्रमण पुष्टि भएको छ । अन्य प्रदेशमा गरिएको परीक्षणका क्रममा गोरखाको गोरखा नगरपालिका वडा नम्बर ९ का २२ तथा ३५ वर्षीय २ जना पुरुषलाई कोरोना भाइरस संक्रमण पुष्टि भएको छ । त्यस्तै, नवलपरासीको ब.सु.पू को गैडाकोट ४ का ५२ वर्षीय तथा देवचुली १० की २४ वर्षीय महिलालाई कोरोना भाइरस संक्रमण पुष्टि भएको छ ।

योसंगै गण्डकी प्रदेशमा कोरोना भाइरस संक्रमितको कुल संख्या १ हजार ९ सय ५२ पुगेको छ ।

यसअघि, तेस्रो विज्ञप्तीमा पोखरामा १ जनालाई कोरोना भाइरस संक्रमण पुष्टि भएको जनाएको थियो । महानगरपालिकाको वडा नम्बर १४ निवासी ५८ वर्षीय पुरुषलाई कोरोना संक्रमण पुष्टि भएको हो ।

दोस्रो विज्ञप्ती अनुसार क्षयरोग उपचार केन्द्रमा गरिएको परीक्षणमा लमजुङको बेसीशहर नगरपालिका वडा नं. ३ स्थित नेपाल आर्मीमा कार्यरत ३९, ३९ र ३८ वर्षका तीनजना पुरुषको नमुना परीक्षण रिपोर्ट पोजेटिभ देखिएको छ ।

यस्तै नवलपुरको कावासोती नगरपालिका वडा नं. ८ का ४७ वर्षीय पुरुष, वडा नं (१४ की ४९ वर्षीय महिला र वडा नं. १६ का दुई ३३ र २८ वर्षका पुरुषको परीक्षण रिपोर्ट पनि पोजेटिभ आएको छ । भने, गैंडाकोट नगरपालिका वडा नं – १३ का ३० र २४ वर्षीय पुरुषमा कोरोना पुष्टि भएको छ । संक्रमित मध्ये नवलपुर गैंडाकोटका दुई जना भारतबाट आएका हुन् भने, अन्य सबै कन्ट्याक्ट ट्रेसिङका क्रममा नुमना स्वाब दिएका मध्ये हुन् ।

यसअघि, आज बिहानको पहिलो विज्ञप्ती अनुसार प्रदेशमा २३ जनामा संक्रमण पुष्टि भएको थियो । जसमध्ये कास्कीको पोखरा महानगरपालिका ११ का ४६ वर्षीय पुरुष र मादी गाउँपालिका वडा नं. ७ का ३९ वर्षीय पुरुष रहेका छन् । नवलपुर गैंगाकोट १ का ४० वर्षीया महिला र लमजुङ वेशीशहरका २० जना पुरुष रहेका छन् । यसमध्ये १७ जना वेशीशहरमा कार्यरत हुन् भन् एक जना वेशीशहर वडा नं. ७ का ५१ वर्षीय पुरुष र वडा नं. ८ का ३२ र २५ वर्षीय २ पुरुष हुन् ।