गण्डकी प्रदेशमा आइतबार कूल ४३ जना कोरोना संक्रमित थपिएका छन् । आईतबार साँझ थप १४ जनामा कोरोना संक्रमण पुष्टि भएको छ ।

गण्डकी प्रदेश स्वास्थ्य निर्देशनालयले आइतबार साँझ जारी गरेको तेस्रो विज्ञप्तिमा गण्डकी प्रदेशको बागलुङका १९ र ४५ वर्षका २ पुरुष र गोरखाका ३ महिला तथा ९ पुरुषमा कोरोना संक्रमण पुष्टि भएको जनाएको हो ।

निर्देशनालयले गोरखाको गोरखा नगरपालिका ८ का ३४ वर्षीय पुरुष, १० का ५५ वर्षीय पुरुष र १३ का २३ देखि ४५ वर्ष उमेर समुहका ७ पुरुष तथा ५ वर्षीया बालिकासहित २५ र ७५ वर्षका ३ महिलामा कोरोना देखिएको जनाएको छ । यस सँगै गण्डकी प्रदेशमा कोरोना संक्रमितको संख्या २ हजार १ सय ३७ पुगेको छ ।

यसअघि, दोस्रो विज्ञप्ती अनुसार गण्डकी प्रदेशमा थप २४ जनामा कोरोना सक्रमण पुष्टि भएको भएको थियो । गण्डकी प्रदेश स्वास्थ्य निर्देशनालयले आइतबार बिहान जारी गरेको दोस्रो विज्ञप्तिमा गण्डकी प्रदेशको बागलुङ तमानखोलाका २ महिला र तनहुँ भानुका १९ पुरुष र ३ महिलासहित थप २४ जनामा कोरोना संक्रमण पुष्टि भएको जनाएको हो ।

बागलुङमा सङ्क्रमित हुने तमानखोलाका २३ र ३० वर्षका महिला मध्ये एक जना स्वास्थ्यकर्मी र एक जना स्थानीय व्यापारी गरेको निर्देशनालयले जानकारी दिएको छ ।

त्यसैगरी, तनहुँको भानु – ६ का २३ देखि ६९ वर्ष उमेर समुहका ९ जना पुरुष, भानु – ७ का २७ देखि ६० वर्ष उमेर समुहका १० पुरुष तथा ८ वर्षीया बालिका सहित २५ वर्षीया एक र ५४ वर्षीया एक महिलामा कोरोना देखेएको निर्देशनालायले उल्लेख गरेको छ ।

आइतबार बिहानै पोखराका तीन सहित गण्डकीमा पाँच जना कोरोनाका संक्रमित थपिएका थिए । स्वास्थ्य निर्देशनालयको आइतबार बिहानको पहिलो अद्यावधिक विवरण अनुसार प्रदेशका दुई जिल्ला कास्की र नवलपुरमा गरी कूल पांच जना कोरोना संक्रमित थपिएका हुन् ।

पोखरा स्वास्थ्य विज्ञान प्रतिष्ठानमा गरिएको पीसीआर परीक्षणमा कास्कीको पोखरा महानगरपालिका वडा नं. ७ का ३७ वर्षीय महिला र ५३ वर्षीय पुरुषका साथै पोखरा (८ का ३८ वर्षीय पुरुषमा कोरोना संक्रमण पुष्टि भएको निर्देशनालयले जनाएको छ ।

यस्तै भरतपुर अस्पताल चितवन र राष्ट्रिय जनस्वास्थ्य प्रयोगशाला काठमाण्डौमा गरिएको परीक्षणमा नवलपुर कावासोती २ का २१ वर्षीया युवती र मध्यविन्दु ४ का २० वर्षीया युवतीको परीक्षण रिपोर्ट पोजेटिभ आएको निर्देशनालयका प्रमुख डा. विनोद विन्दु शर्माले जानकारी दिए ।