पोखरा – पोखरा महानगरमा कोरोना संक्रमणको दर दिनानुदिन बढ्दो क्रममा रहेको छ ।
स्वास्थ्य निर्देशनालयको सोमबार बिहानको पहिलो अद्यावधिक विज्ञप्ति अनुसार पोखराका ३१ जनामा कोरोना पुष्टि भएको उल्लेख छ । पछिल्लो समय पोखरामा अस्पताल, बैंक तथा वित्तीय संस्था, प्रहरी कार्यालय लगायत उद्योग धन्दा जहाँ दिनहुँ दर्जनौं मानिसको आवतजावत हुने गर्दछ, ती स्थानमा संक्रमणको दर उच्च देखिएको छ।
क्षयरोग उपचार केन्द्रमा गरिएको परीक्षणमा पोखराको मेडिसिटी अस्पतालमा उपचारत ७८ वर्षीय बृद्ध र ७३ वर्षीया बृद्धामा कोरोना पुष्टि भएको छ, भने पोखराको पृथ्बीचोक स्थित पश्चिमान्चल सामुदायिक अस्पतालमा कार्यरत २६ र २३ वर्षका दुई जना महिला स्वास्थ्यकर्मी र ३६ र २७ वर्षका दुई जना सहयोगी महिला कर्मचारीमा कोरोना पुष्टि भएको छ ।
यस्तै पोखरा औद्योगिक क्षेत्रमा रहेको पोखरा फूड्समा कार्यरत २५ जनामा एकैपटक कोरोना संक्रमण देखिएको छ । २२ वर्ष देखी ४० वर्ष उमेर समुहका १७ जना महिला कर्मचारी र २२ देखी ४० वर्ष उमेर समुहका ८ जना पुरुष कर्मचारीको परीक्षण रिपोर्ट पोजेटिभ आएको निर्देशनालयले जनाएको छ ।
आज पुष्टि भएका सबै जना कन्ट्याक्ट ट्रेसिङ मार्फत पहिचान भएका व्यक्तिहरु हुन् । उनीहरु सबैलाई आइसोलेसन कक्षमा लैजाने तयारी भैरहेको छ ।
सम्बन्धित खबर
कास्कीको अन्नपूर्णमा सामुदायिक बनमा आगो लगाउने एक व्यक्ति पक्राउ
पोखराको हर्पन खोलामा डुबेर एक बालकको मृत्यु
सुरक्षा पालुवाको १८ औं स्थापना दिवसमा भवन उद्घाटन एवम् रक्तदान
मुख्यमन्त्री अधिकारीले विश्वासको मत लिँदै, ३ बजेपछि प्रदेश सभा बैठक
द्वितीय युद्धकालीन उपन्यास ‘खोजीमा’ पोखरा आइपुग्यो
पोखरामा धुवाँको कालो मुस्लो फ्याँक्ने ११ गाडी नियन्त्रण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग