मङ्लबार पोखराका थप ८ जनामा कोरोना संक्रमण भेटिएको छ । स्वास्थ्य निर्देशनालयको तेस्रो अद्यावधिक विज्ञप्ति अनुसार पोखरा महानगरपालिका बिभिन्न वडाहरुमा गरी थप ८ जनामा कोरोना संक्रमण पुष्टि भएको विज्ञप्तिमा उल्लेख छ । गण्डकी प्रदेशमा थप १० जनालाई कोरोना भाइरस संक्रमण पुष्टि भएको छ ।

स्वास्थ्य निर्देशनालय गण्डकी प्रदेशले दिएको जानकारी अनुसार कास्कीमा ८ र तनहुँमा २ गरी थप १० जनालाई संक्रमण पुष्टि भएको छ ।

कास्की ८ संक्रमितहरु पोखरा महानगरपालिकाका रहेका छन् । महानगरका संक्रमितहरु वडा नम्बर ९ का २४ वर्षीय पुरुष, पोखरा वडा नम्बर १३ का १९ वर्षीय पुरुष , पोखरा वडा नम्बर १२ का ५८ र वर्षीय महिला तथा २७ वर्षीय पुरुष, पोखरा वडा नम्बर ७ का ३७ वर्षिय पुरुष, पोखरा वडा नम्बर ८ का ३२ वर्षिय पुरुष, पोखरा वडा नम्बर ४ का ७१ वर्षीय महिला र पोखरा वडा नम्बर ५ का ३८ वर्षिय पुरुष रहेका छन् ।

त्यस्तै तनहुँको सुक्लागण्डकी वडा नम्बर ७ का ३९ वर्षिय पुरुष र वडा नम्बर ६ कि ३० वर्षिय महिलामा संक्रमण पुष्टि भएको छ ।

पोखरा महानगर वडा नम्बर १३ र ८ का पुरुषहरु , र तनहुँ जिल्लाका ३९ वर्षिय पुरुष भारत बाट आएको निर्देशनालयले जानकारी दिएको छ । पोखरा महानगरपालिका वडा नम्बर ९ का २४ बर्षीय पुरुष बारा जिल्लाबाट र वार्ड नं ४ का ७१ बर्षीय महिला काठमाडौँबाट आएका थिए ।

पोखरा महानगर वडा नम्बर ७ का ३७ बर्षीय पुरुष बन कार्यालयमा कार्यरत कर्मचारी हुन् । तनहुँ जिल्ला, सुक्लागण्डकी वडा नम्बर ६ कि ३० बर्षीय महिला पोखरा स्वास्थ्य बिज्ञान प्रतिष्ठानमा उपचाररत गर्भवती रहेकि छिन् । अहिले उनीहरुलाई आइसोलेशन सेन्टर लैजाने तयारी भइरहेको छ ।

यससंगै गण्डकी प्रदेशमा कोरोना भाइरस संक्रमितको कुल संख्या ३५0३ पुगेको छ ।