पोखरामा थप ११  जनालाई कोरोना संक्रमण पुष्टि भएको छ । शुक्रबार स्वास्थ्य निर्देशनालयको तेस्रो अद्यावधिक विज्ञप्तिमा अनुसार कास्की, तनहुँ र म्याग्दीका थप २८ जना संक्रमित थपिएको उल्लेख छ ।

क्षयरोग उपचार केन्द्र पोखरामा गरिएको परिक्षणमा पोखरा- १ का २९ वर्षीय पुरुष तथा २४ र २७ वर्षीया महिला, पोखरा ५ का ३८, ४१ र ४७ वर्षीय पुरुष, ८ का ६ र १६ वर्षीय वालक, पोखरा ९ का २२ वर्षीय पुरुष,पोखरा १७ का ३५ वर्षीय पुरुष तथा ३२ वर्षीया महिला, माछापुच्छ्रे गाउँपालिका ५ का ४१ वर्षीय पुरुष तथा ९ का २२ वर्षीय पुरुष रहेका छन ।

तनहुँमा थप ११ जना कोरोना संक्रमित थपिएका छन । जिल्लाको व्यास नगरपालिकामा थप ११ जनामा कोरोना संक्रमण भेटिएको छ । व्यास-१ का ३७, व्यास-२ का ५३ र १२ र व्यास-४ का २७ र व्यास-५ का २८ वर्षका पुरुषमा संक्रमण देखिएको छ ।

यसैगरी व्यास-१० का ८ वर्षका बालक र ३४ वर्षका पुरुष र सोही वडाका २८ र ४० वर्षीया महिला कोरोना संक्रमण पुष्टि भएको स्वास्थ्य निर्देशनालय गण्डकीले जनाएको छ । यसैगरी ३८ वर्षका पुरुष प्रहरीमा पनि संक्रमण भेटिएको निर्देशनालयले जनाएको छ ।

योसँगै तनहुँमा संक्रमित बिहीबार २७ जना संक्रमित पुगेका छन् । संक्रमितमध्ये एक जना व्यास हस्पिटलका डाक्टर हुन । त्यस्तै अर्का एक जना वकिल हुन भने अर्का एक स्थानीय हुन । ७ जना संक्रमित विदेशबाट आएका हुन ।

त्यसै गरि म्याग्दीमा ६ जनामा कोरोना पुष्टि भएको छ ।

यस सँगै गण्डकी प्रदेशमा कोरोना संक्रमितको सँख्या ४ हजार ६ सय पुगेको छ ।