मुस्ताङमा दशैं तिहारबीचको यो समय आन्तरिक पर्यटकले भिड लाग्ने गर्दथ्यो । बाइकमा अपर मुस्ताङ पुग्ने युवा जमातको रहरलाई यो पटक कोरोना तगारो बनिदिएको छ । वर्षेनी हजारौं संख्यामा आन्तरिक पर्यटकले जोमसोम, कागबेनी, मुक्तिनाथ, लोमान्थाङको व्यापार व्यवसाय पनि राम्रो चलेको थियो । कोरोना कहरले उनीहरुलाई पनि नोक्सान भएको छ ।

मुस्ताङको जोमसोम बजार बिहीबारदेखि एक हप्ताका लागि पूरै सिल गरिएको छ । घरपझोङ गाउपालिका—४ गाउँ मुखिया रामप्रसाद थकालीको अध्यक्षतामा जोमसोम गाउँ समाजको आकस्मिक बैठकले कोरोना रोकथामका लागि जोमसोम बजार सिल गर्ने निर्णय गरेको हो । कात्तिक १९ गतेसम्मका लागि सिल भएको छ ।

जोमसोम बजारका स्थानीय तथा सर्वसाधारण व्यक्ति अन्य वडा र जिल्ला बाहिरिन नपाइने र मुस्ताङका अन्य गाउँपालिका तथा घरपझोङका अन्य वडा र बाह्य जिल्लाबाट आउने व्यक्ति जोमसोम बजार प्रवेश गर्न पाइँदैन ।

जोमसोम बजारबाट लामो तथा छोटो दुरीको सार्वजनिक तथा निजी सवारी साधनमा आउजाउमा रोक लगाएको छ । पालिका भित्र सञ्चालनमा रहेका सबै विद्यालय पनि बन्द रहेका छन् ।

गाउँपालिकाले मुस्ताङमा समुदायस्तरमा पहिलो पटक कोरोना पोजेटिभ संक्रमित भेटिएकाले यो निर्णय गर्नुपरेको बताइन्छ ।

गत वर्षहरुमा यस्तो भिड लाग्दथ्यो: