पोखरा – शनिबार कास्कीका ५९ सहित गण्डकीमा थप ११९ जनामा कोरोना पुष्टि भएको छ ।

स्वास्थ्य निर्देशनालयद्वारा आज जारी विज्ञप्ति अनुसार गण्डकीका ४७३ जनामा गरिएको परीक्षणमा थप ११९ जनाको परीक्षण रिपोर्ट पोजेटिभ आएको विज्ञप्तिमा जनाइएको छ ।

आज पुष्टि भएका संक्रमित प्रदेशका ९ जिल्लाका छन् । जसअन्तर्गत कास्कीमा ५९, तनहुँमा ६, गोरखामा ७, लमजुङमा २१, स्याङ्गजामा १, पर्वतमा २,  बाग्लुङमा १८, म्याग्दीमा ३ र मुस्ताङ जिल्लाका थप २ जनाको परीक्षण रिपोर्ट पोजेटिभ आएको छ ।

आज थपिएका संगै गण्डकीमा कोरोना संक्रमितको कूल संख्या १२ हजार ५ सय ९८ पुगेको छ । जसमा सक्रिय संक्रमितको संख्या ५ हजार १ सय ४० छ भने, प्रदेशमा होम आइसोलेसनमा बस्नेको संख्या ३ हजार ८ सय ६८ पुगेको छ ।

पछिल्लो २४ घन्टामा गण्डकीबाट १ जना मात्र कोरोनामुक्त भएका छन् । यो संगै, प्रदेशमा हालसम्म कोरोनामुक्त हुनेको संख्या ७ हजार २ सय ९२ पुगेको छ ।

यस्तै शनिबार पनि गण्डकीमा थप तीन जनाको कोरोना संक्रमणका कारण मृत्यु पुष्टि भएको छ । आज पुष्टि भएका संक्रमित पोखरा -१७ का ५७ वर्षीय पुरुष, पोखरा -११ की ७२ वर्षीया वृद्धा र पोखरा -१२ का ८० वर्षीय वृद्ध रहेका छन् ।

आज पुष्टि भएका तीन मृतक संगै गण्डकीमा कोरोना संक्रमणका कारण ज्यान गुमाउनेको संख्या १६६ पुगेको निर्देशनालयले जनाएको छ  ।