भारतमा आज नयाँ कोराना भाईरसबाट संक्रमित हुनेहरुको सँख्या ३५ हजार ८ सय ७१ पुगेको छ। यो सँख्या गत ३ महिनामा सबैभन्दा बढी हो। नयाँ कोरोना भाईरसबाट सबैभन्दा बढी संक्रमित महाराष्ट्रमा छन। त्यहाँ कूल संक्रमित मध्ये ६५ प्रतिशत भएको पाईएको हो।

भारतमा कोरोना भाईरसको दोश्रो लहर सुरु भएको मानिएको छ। भारतमा कोरोना भाईरसको दोश्रो लहरले धेरै मानिसहरुको ज्यान जान सक्ने अनुमान गरिएको छ। अनुसन्धानकर्ताहरुले कोरोनाको दोश्रो लहर पहिलोभन्दा ज्यादा खतरनाकतथा ज्यान लिने खालको साबित भएको जनाएका छन। युरोप समेत विश्वभरका ६४ देशमा कोरोना महामारीको दोश्रो लहर सम्बन्धमा गरिएको अध्ययनबाट यस्तो आंकलन गरिएको हो।

युनिभर्सिटी अफ सिडनी र युनिभर्सिटी अफ सिन्हुवाले अमेरिकातथा युरोपमा कोरोनाबाट भएको मृत्यूको विश्लेषण गरेको थियो। यस्तै स्पेनिस फ्लु र कोरोनाबाट भएको मृत्यू बारे पनि विश्लेषण गरिएको थियो। यसप्रकारको अध्ययनपछि जुन देशमा कोरोना भाईरसको दोश्रो लहर आयो त्यँहा भयाबह स्थिति हुने आंकलन गरिएको छ।

भारतमा कोरोनाले फेरि एकपटक तिब्र रुपमा महामारीको संकेत देखाएको छ। महाराष्ट्रमा सबैभन्दा बढि संक्रमित रहेका छन। जसको कारण नागपुर र अकोला समेत कयौं जिल्लामा लकडाउन लगाईएको छ। यस्तै पुनादेखि औरङ्गाबादमा रात्री कर्फ्यू जारी गरिएको छ। मध्य प्रदेशको भोपाल र ईन्दौरमापनि रात्री कर्फ्यू लगाईएको छ। कोरोना भाईरसबाट संक्रमित हुनेहरुको संख्या बढेपछि भारतमा फेरि सर्वसाधारणहरुको जीवन सामान्य हुन नसक्ने संकेत देखिएको छ।