म्यान्मारमा सैन्य शासनविरुद्ध जारी आन्दोलनका क्रममा सेनाले हानेको गोली लागेर नेपालीभाषी दम्पतीको मृत्यु भएको छ।
आफ्नो घरतर्फ आइरहेका बेला सेनाको गोली प्रहारबाट म्यान्मारको जगाईं प्रान्तमा पर्ने टमु सहर निवासी किसन गौतम र उनकी पत्नी हरिमाया गौतमको मंगलबार मृत्यु भएको हो।
टमु सहर भारतको सीमावर्ती सहर मोरे (मणिपुर) पारि पर्छ, जहाँ करिब ४ हजार नेपालीको बसोबास रहेको बताइएको छ। त्यहाँ तीन पुस्तादेखि बसोबासरत गौतम दम्पती गाईपालन गर्थे। नजिकैको गोठमा गाईको हेरचाह गरेर घर फर्किंदै गरेका बेला उनीहरूलाई गोली लागेको थियो।
सैन्य शासनकै कारण म्यान्मारबाट हालै नेपाल फर्किएका पत्रकार दीपक भट्टराईका अनुसार उनीहरू गोठ गएर दूध दुहेर घर फर्फंदै थिए। बर्मामा अहिले पनि हजारौं नेपाली गाई पालेर दूध, दही, घ्यू बेची जीवन चलाउँछन्।
उनी भन्छन्, ‘यो फोटो (मृतक दम्पती) दसैंका बेलाको हुनपर्छ। बर्मेली नेपालीभाषीले रङ नभएको अक्षता लगाउँछन्। नेपाली चलचित्र हेरेर र फेसबुकबाट थाहा पाएपछि अचेल केही अक्षतामा रातो रङ हाल्छन्।’
म्यान्मारका सेनाले गत फेब्रुअरी १ तारिख आङ सान सुचीसहित त्यहाँका राष्ट्रपति, मन्त्रीलगायत सबै लोकतान्त्रिक नेतालाई नजरबन्दमा राखी सत्ता कब्जा गरेका हुन्। त्यसको विरोधमा त्यहाँ दैनिक जनप्रदर्शन भइरहेको हो।
त्यस क्रममा सैनिक दमनले अहिलेसम्म ७ सयभन्दा बढी नागरिकको मृत्यु भइसकेको अन्तर्राष्ट्रिय सञ्चारमाध्यमले जनाएका छन्।
सम्बन्धित खबर
रुसी सेनामा भर्ती भएका तनहुँका नौ युवा सम्पर्कविहीन
अमेरिकामा टिकटकमाथि प्रतिबन्ध लगाउने विधेयक कांग्रेसद्वारा पारित
दूधमा पनि बर्ड फ्लूको भाइरस फेला
भारतमा सवारी दुर्घटना हुँदा ७ नेपालीको मृत्यु
यूएईमा एक नेपाली महिलाको मृत्यु, श्रीमान् फरार
पोर्चुगलमा समुद्रमा डुबेर एक नेपालीको मृत्यु, अर्का एक बेपत्ता
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग