पोखरा – पोखरामा कोरोना संक्रमणको दर तिव्र गतिमा फैलिरहेको छ । आइतबार मात्रै कास्कीका ३६८ जनामा कोरोना संक्रमण पुष्टि भएको छ । पुष्टि भएका मध्ये ६ जना मादी गाउँपालिका, २ जना रुपा गाउँपालिका र २ जना अन्नपूर्ण गाउँपालिकाका छन् भने, अन्य सबै पोखरा महानगरका हुन् ।
प्रदेश स्वास्थ्य निर्देशनालयले आज जारी गरेको विज्ञप्तिमा पछिल्लो ४८ घण्टामा कास्कीका ६९१ जनाको नमुना परीक्षण गरिएकोमा ३६८ जनाको रिपोर्ट कोरोना पोजेटिभ आएको हो।
आज थपिएकासंगै कास्कीमा कोरोना संक्रमित जम्मा संख्या १० हजार ९० पुगेको छ ।
यस्तै पछिल्लो ४८ घण्टामा गण्डकीका अन्य जिल्ला तनहुँमा १४ जना, लमजुङमा ८ जना र नवलपुरका २९ जनामा कोरोना पुष्टि भएको छ।
यस्तै स्याङ्गजाका १०४ जना, पर्वतका ९ जना, बागलुङका ४ जना र म्याग्दीका २३ जना, मनाङका ४ जना र मुस्ताङ् जिल्लाका १३ जनाको परीक्षण रिपोर्ट कोरोना पोजेटिभ आएको छ।
आज गण्डकीमा पुष्टि भएका ५७६ संगै कोरोना संक्रमितको कूल संख्या १९ हजार २२१ पुगेको छ, जसमा सक्रिय संक्रमितको संख्या २ हजार ४३ छ ।
पछिल्लो ४८ घण्टामा गण्डकीबाट ६४ जना कोरोनामुक्त भएका छन् । यो संगै, प्रदेशमा कोरोनामुक्त हुनेको संख्या १६ हजार ९ सय ४६ पुगेको छ।
गण्डकीमा आइतबार ८ जनाको मृत्यु पुष्टि भएको छ । मृतकहरु पर्वत जिल्ला कुश्मा नगरपालिकाका १ जना, दाङ जिल्ला राप्ती गाउँपालिका -५ घर भइ हाल पोखरा मेडिप्लस अस्पतालमा उपचाररत १ जना, रुपन्देही जिल्ला बुटवल उपमहानगरपालिका -३ का १ जना छन् भने अन्य सबै पोखरा महानगरका हुन्।
आज मृत्यु पुष्टि भएकासंगै कास्कीमा कोरोना संक्रमणकै कारण मृत्यु हुनेको संख्या १३० पुगेको छ भने, गण्डकीमा यो संख्या २३१ पुगेको निर्देशनालयले जनाएको छ ।
सम्बन्धित खबर
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग