पोखरा । गण्डकी प्रदेशका मुख्यमन्त्री पृथ्वी सुब्बा गुरुङकाे पीसीआर रिपाेर्ट पाेजिटिभ आएकाे छ ।

मंगलबार आरडीटी परीक्षणमा पाेजिटिभ देखिएपछि उनकाे स्वाब संकलन गरिएकाे थियाे । आज आएकाे उनकाे रिपाेर्ट अनुसार उनलाई कोरोना संक्रमण पुष्टि भएको हो । गुरुङको सीटी भ्यालु १७ छ ।

सामान्य टाउकाे दुखेपछि उनलाई संक्रमणकाे आशंका गरिएकाे थियाे । मुख्यमन्त्री कार्यालयका कर्मचारीहरू पनि संक्रमित भएका छन् ।

उनी मंगलबार दिनभरजसाे व्यस्त थिए । सभामुखसहितकाे पाँचदलकाे सर्वदलीय बैठकमा पनि सहभागी थिए भने सरूवा तथा संक्रामक राेग अस्पतालमा समेत जानकारी लिन पुगेका थिए ।

मुख्यमन्त्रीकाे स्वास्थ्यवस्था सामान्य रहेको प्रेस संयोजक बिक्रम न्यौपानेले जानकारी दिएका छन् । मुख्यमन्त्री गुरुङ होम आइसोलेसनमा नै रहनेछन् । न्याैपाने स्वयं संक्रमित छन् । प्रदेशका ३ सांसद काेराेना संक्रमित छन् ।