मनाङ – हिमालपारिको जिल्ला भनेर चिनिने मनाङको ङिस्याङ गाउँपालिकामा कोरोना संक्रमितको संख्या बढ्न थालेपछि गाउँपालिका कार्यालयले आजदेखि अत्यावश्यक बाहेकका अन्य सेवाहरु बन्द गरेको छ।
बुधबार एक विज्ञप्ति सार्वजनिक गर्दै गाउँपालिकाले अनावश्यक जमघट नगर्न, भिडभाड हुने कार्यक्रम नगर्न तथा नगराउन, अनिवार्य माक्सको प्रयोग गरी स्वास्थ्य सम्बन्धी मापदण्ड पालना गर्न आग्रह गरेको छ।
विज्ञप्तिमा जिल्ला बाहिरबाट आउने व्यक्तिले अनिवार्य रुपमा कम्तिमा १० दिन होम क्वारेन्टिनमा बस्न र कोभिडको शंका लागेमा होम आइसोलेसनमा बसी नजिकको स्वास्थ्य संस्थामा सम्पर्क गर्न भनिएको छ।
गाउँपालिकाको वडा नं -८ मा गत आइतबार ३ जनामा कोरोना भाईरस संक्रमण पुष्टि भएकोमा बुधबार सोही गाउँपालिकाको वडा नं -१ , ४, ५ र ९ नं वडाका ७ जनामा संक्रमण पुष्टि भएको छ ।
गाउँपालिकाका सूचना अधिकारी नुमनाथ पाध्यले अध्ययनका लागि काठमाण्डौ तथा पोखराबाट फर्किएका विद्यार्थीमा संक्रमण देखिएको जानकारी दिए।
“अहिले संक्रमण पुष्टि हुनेमा अधिकांश जिल्ला बाहिरबाट आउने विद्यार्थीहरु नै हुन् , तर, संक्रमण स्थानीय स्तरमा पनि फैलँदो छ, पाध्यले गण्डक न्यूज सँग भने।”
उनले जिल्ला बाहिरबाट आउने सवारीका कारण पनि संक्रमण फैलिएको हुनसक्ने दावी गरे ।
यसैलाई मध्यनजर गर्दै जिल्ला बाहिरबाट भित्रनेका लागि अनिवार्य कम्तिमा १० दिन क्वारेन्टाइनमा बस्न आग्रह गरेका हौँ , पाध्यले स्पष्ट पारे ।
सम्बन्धित खबर
अकबरे खुर्सानीमार्फत बाँझो जमिनलाई आम्दानीसँग जोड्दै भीरकोट
रास्वपा गण्डकीको सभापतिमा त्रिपाठी निर्वाचित
सडकबाट ट्रिपर खस्दा एक जनाको मृत्यु, चालक फरार
श्याम स्मृति फुटबल प्रतियोगिता २६ वर्षपछि पुनः सञ्चालनमा
सरकारी विज्ञापन नीतिविरुद्ध स्याङ्जाका पत्रकारको दबाब, प्रधानमन्त्रीलाई हस्ताक्षरसहित मागपत्र
पूर्वविद्यार्थीको पहलमा भीरकोटका दुई विद्यालयमा कम्प्युटर सहयोग
यो पनि पढौँ
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु
सचिवको एसएमएसमाथि प्रधानमन्त्री पदमा रहेकाबाट गरिएको ‘मजाक’लाई मन्त्री, सांसदको साथ