पोखरा।  शुक्रबार गण्डकीमा थप २१३ जनामा कोरोना पुष्टि भएको छ ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १ हजार १०७ जनामा गरिएको नमुना परीक्षणमा थप उक्त संख्याका मानिसको रिपोर्ट कोरोना पोजेटिभ आएको हो।

आज संक्रमण पुष्टि हुनेमा प्रदेशका आठ जिल्लाका छन् । जसअन्तर्गत कास्कीका १०३ जना, तनहुँका पाँच जना, गोरखाका छ जना, नवलपुरका ३७ जना र स्याङ्गजाका चार जनामा कोरोना पुष्टि भएको छ ।

यस्तै, पर्वतका २० जना, बागलुङका २५ जना र म्याग्दी जिल्लाका १३ जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।

आज थपिएकासंगै गण्डकीमा कोरोना संक्रमितको कूल संख्या ५३ हजार ९२१ पुगेको छ ।

पछिल्लो २४ घण्टामा गण्डकीबाट ३४७ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ५० हजार २५८ पुगेको छ।

शुक्रबार पनि गण्डकीमा थप छ जनाको मृत्यु पुष्टि भएको छ । आज मृत्यु पुष्टि हुनेमा कास्कीका दुई जना, नवलपुरका तीन जना र स्याङ्गजाका एक जना छन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या ९२० पुगेको निर्देशनालयले जनाएको छ।