पोखरा।  सोमबार गण्डकीमा २७७ जनामा कोरोना संक्रमण पुष्टि भएको छ ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १ हजार १५० जनामा गरिएको नमुना परीक्षणमा २७७ जनाको रिपोर्ट कोरोना पोजेटिभ आएको छ ।

आज संक्रमण पुष्टि हुनेमा गण्डकीका आठ जिल्लाका छन् । जसअन्तर्गत कास्कीका ११२ जना, तनहुँका २२ जना, गोरखाका ३१ जना, नवलपुरका ३२ जना र स्याङ्गजाका १८ जनामा कोरोना पुष्टि भएको छ ।

यस्तै, पर्वतका १७ जना, बागलुङका १९ जना र म्याग्दी जिल्लाका २६ जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।

आज थपिएकासंगै गण्डकीमा कोरोना संक्रमितको कूल संख्या ५९ हजार ४४१ पुगेको छ ।

पछिल्लो २४ घण्टामा गण्डकीबाट ४२६ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ५५ हजार ६९८ पुगेको छ।

सोमबार गण्डकीमा थप एक जनाको मृत्यु पुष्टि भएको छ । आज मृत्यु पुष्टी हुनेमा नवलपुर जिल्ला कावासोती नगरपालिका -८ निवासी ९३ वर्षीया महिला छन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या १००२ पुगेको निर्देशनालयले जनाएको छ ।