पोखरा । लुम्बिनी प्रदेशमा माओवादी र काँग्रेसले आधा आधा गरी आलोपालो सरकार बनाउने सत्ता गठबन्धनको निर्णयपछि गण्डकीमा पनि सोहि अनुसार हुनुपर्ने माओवादीका गण्डकी नेताहरुले माग गरेका छन् ।
माओवादी केन्द्रको केन्द्रीय कमिटी बैठकमा गण्डकी प्रदेशमा आलोपालो सरकार चलाउनुपर्ने माग उठेको हो । आइतबार केन्द्रीय कमिटी बैठकमा पार्टीका गण्डकी अध्यक्ष हितराज पाण्डेले आलोपालो सरकार चलाउनुपर्ने माग राखे ।
माओवादी र कांग्रेसले आलोपालो सरकार चलाउने गरी माओवादीका कुलबहादुर केसीको नेतृत्वमा सरकार गठन भएको छ । फागुन ३ पछि काँग्रेसले मुख्यमन्त्री लिने गठबन्धनबीच सहमति भएको भनिएको छ ।
गठबन्धनमा सहमति गराएर आलोपालो चलाउन प्रक्रिया थाल्न पाण्डेले शीर्ष नेताहरुलाई आग्रह गरेका हुन् । ‘लुम्बिनीमा बाँडेपछि यता गण्डकीमा पनि बाँड्नुप¥यो । आधाआधा कार्यकाल चलाउनुपर्छ,’ पाण्डेले बैठकमा भनेका छन् । गण्डकीबाट १६ जना नेता केन्द्रीय कमिटी बैठकमा सहभागी छन् ।
गण्डकी प्रदेश सभाका माओवादी सांसदहरुको चाहना पनि त्यही रहेको मुख्यमन्त्रीका आकांक्षी एवं पूर्व आन्तरिक मामिला मन्त्री हरिबहादुर चुमानले बताए । गण्डकीको सत्ता गठबन्धनमा आफूहरुले कुरा नराखेपनि आलोपालो नै चलाइनुपर्ने चुमानको जिकिर छ । ‘गठबन्धन त केन्द्रबाट नै बनेको हो, गण्डकीमा भनेर हुँदैन । केन्द्रमै भन्नु पर्ने भएर त्यहाँका नेताहरुलाई यो प्रस्ताव राख्नुपर्दैन, केन्द्रले नै कुरा मिलाउनुपर्छ,’ चुमानले भनेका छन् ।
सम्बन्धित खबर
बेगनास तालमा पौडी खेल्ने क्रममा डुबेर युवकको मृत्यु
उच्चतम् ४ जीपीए ल्याउने २८ जना विद्यार्थीले रोजे प्रतिभा मावि
पोखरामा फोहोर फाल्ने ठाउँमा विष्फोटक पद्धार्थ भेटियो
पोखरा र गौतमबुद्ध विमानस्थल सञ्चालनको जिम्मा निजी क्षेत्रलाई दिने
फुस्रे खोलाले फेरि लियो ज्यान, १४ वर्षीय नेपालीको मृत्यु
प्रथम पिसिएम कप प्लस टु फुटसल टुर्नामेण्ट हुँदै
यो पनि पढौँ
उच्चतम् ४ जीपीए ल्याउने २८ जना विद्यार्थीले रोजे प्रतिभा मावि
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु