पोखरा । नेपाली कांग्रेस कास्कीको सभापतिमा किशोरदत्त बराल निर्वाचित भएका छन् । पहिलो चरणको मतदानमा सर्वाधिक मत ल्याएका बरालले दोस्रो चरण जीत सुनिश्चित गरे ।
पहिलो चरणमा सबैभन्दा कम मत ल्याएका ३ जनाको समर्थन पाएका उम्मेदवार सुदीपमोहन भट्टराईलाई हराउँदै कार्यकर्ताले बराललाई जिल्ला नेतृत्व सम्हाल्ने जिम्मा दिएका हुन् ।
शुक्रबार भएको निर्वाचनमा सभापतिका ५ उम्मेदवारमध्ये कसैले पनि ५१ प्रतिशत मत नल्याएका कारण काँग्रेसको विधान अनुसार शनिबार फेरि मतदान भएको थियो । दोस्रो पटकको मतदानमा १ हजार ९ सय २६ मत खसेकामा बरालले ९ सय ९५ मत पाउँदा भट्टराई ९ सय १५ मतमा सीमित रहे । बरालले शुक्रबारको मतदानमा ६ सय ४४ र भट्टराईले ४ सय ७२ मत प्राप्त गरेका थिए ।
सभापतिको लागि बराल, भट्टराई सहित आइबहादुर गुरुङ, पोषनाथ शर्मा र गिरिराज गौतम चुनावी मैदानमा थिए । गुरुङले ४ सय ६२, शर्माले ३ सय ३५ र गौतमले ६३ मत प्राप्त गरेका थिए ।
हारेका ३ जनाले विज्ञप्ति नै निकालेर भट्टाराईको पक्षमा मतदान गर्न मतदातालाई आग्रह गरेका थिए । तर, मतदाताले त्यो आग्रहलाई लत्याउँदै बराललाई सभापतिमा निर्वाचित गरे ।
आइबहादुर, पोषनाथ र गिरीराजले थोरै मत ल्याएर बाहिरिएपछि सुदीपमोहनको समर्थन गर्दै विज्ञप्ति निकालेका थिए । उनीहरूको विज्ञप्तिले कार्यकर्ताहरू भड्किएको सन्दर्भ गण्डकन्यूजले हिजै सार्वजनिक गरेको थियो । सुदीपमोहनको समर्थनमा यसरी विज्ञप्तिबाजीमै उत्रनु थियो भने पहिल्यै ३ जनाले किन सुदीपमोहनको समर्थन नगरेको ? भन्दै कार्यकर्ताहरू बिच्किएको देखिएका थिए ।
विज्ञप्तीबाजीले सुदीपमोहनलाई उल्टै घाटा हुने हो कि भन्नेमा सुदीपमोहनकै समर्थकहरू चिन्तित थिए । पहिले आफै लड्ने र हारिसकेपछि सुदीपमोहनका लागि विज्ञप्तीबाजी गर्दा दोस्रो दिन लाइनमा उभिएर मतदान गर्ने कार्यकर्ताहरु रुष्ट देखिन्थे । बरालबाहेक सबै नेता संस्थापन इतरका हुन्
सम्बन्धित खबर
सामाजिक विकास मन्त्री सीता सुन्दास र उर्जामन्त्री बेदबहादुर ‘श्याम’ले लिए सपथ
मुख्यमन्त्री खगराजले मन्त्रिपरिषद् विस्तार गरे, सीता सुन्दास र बेदबहादुरलाई मन्त्री बनाउँदै
पामेका अनधिकृत संरचनामा महानगरको डोजर
व्यवसाय दर्ता र कर सचेतनाका लागि पोखरा महानगरले गर्यो क्याम्पसहरूसँग समझदारी
पोखरामा एकै दिन दुई किशोरको डुबेर मृत्यु, फुस्रेखोलामा फेरि १६ वर्षका सुप्रिम डुबे
अनेरास्ववियु कास्कीले गर्यो बुद्धिचाल प्रतियोगिता
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग