पोखराबाट जोमसोम उडानका क्रममा दुर्घटनामा परेको तारा एयरको जहाजको अवस्था पत्ता लगाउनका लागि पोखरा विमानस्थलबाट नेपाली सेनाको हेलिकप्टर त्यसतर्फ प्रस्थान गरेको छ ।

काठमाण्डौबाट आएको नेपाली सेनाको एमआई ५७ हेलीकप्टर पोखरा विमानस्थलमा ल्याण्ड भइ केही समयअघि मुस्ताङ तर्फ उडेको हो ।

पोखरा विमानस्थलबाट हेलिकप्टरमा नेपाली सेनाका जर्नेल बाबुराम श्रेष्ठ नेतृत्वको टोली त्यसतर्फ गएको हो । पोखराबाट मुस्ताङको जोमसोमका लागि बिहान ९ बजेर ५५ मिनेटमा उडेको तारा एयरलाइन्सको विमान सम्पर्कविहीन भएसँगै त्यसको खोजीकार्यलाई तीव्र बनाइएको छ ।

यसअघि मुस्ताङबाट जहाज खोज्न परिचालन गरिएको फिस्टेल एयरको हेलिकप्टर प्रतिकूल मौसमका कारण जोमसोम नै फर्किएको थियो ।नेपाली सेनाको राउण्डको टोली मुस्ताङको घाँसाबाट पनि जमिनबाटै रेस्क्यू टोली घटनास्थलमा गएको छ ।

वायुसेवा सञ्चालक संघका प्रवक्ता योगराज शर्मा कँडेलले ९ एन एईटी कल साइनको ट्वीनअटर जहाज भेटिइसकेको तर दुर्घटनास्थलमा जान मात्रै नसकेको पुष्टि गरिसकेका छन् । जहाज लार्जुङको बायाँपट्टि खोचमा भेटिएको तर जान नसकिएको बताएका छन् । दुर्घटना क्षेत्र थासाङ गाउँपालिकाको लार्जुङमा पर्छ ।

तर, सरकारी निकायहरूले भने अहिलेसम्म जहाज दुर्घटना भएको पुष्टि गरेका छैनन् । तारा एयरको आज बिहान ९:५५ मा पोखराबाट उडेको उक्त जहाज उडेको १२ मिनेटमै सम्पर्कविहीन भएको थियो । यो जहाजमा चालक दलका ३ सदस्य र १९ यात्रु छन् ।

सम्बन्धित समाचारः

ब्रेकिङ न्यूजः मुस्ताङको लार्जुङ खोँचमा जहाज दुर्घटना भएको पुष्टि

पाेखरा–जाेमसाेम बेपत्ता जहाज अपडेटः को को थिए जहाजमा ? (नामावली)

पोखराबाट जोमसोम उडेको तारा एयरको जहाज सम्पर्कविहीन