वीरगञ्ज, २७ फागुन । पर्साको पटेर्वासुगौलीकी ८ वर्षीया बालिकालाई बलात्कार गर्नेमध्ये एक जना सार्वजनिक गरियो । यी सहित तीन जनाले बलात्कार गरेका थिए । बालिका अस्पतालमा उपचाररत छिन् । उनलाई १२ टाँका लगाउनुपरेको छ ।
बालिकालाई बलात्कार गरेको आरोपमा पोखरीया नगरपालिका-४ का २० वर्षीय सुनिल साह तुराहालाई पक्राउ गरी प्रहरीले सार्वजनिक गरेको हो ।
सुनिलले गाँजाको नसामा मात्तिएर बालिकालाई माछा दिन्छु भनी फकाएर जर्बजस्तीकरणी गरेको तथ्य प्रारम्भिक अनुसन्धानबाट खुलेको पर्साका प्रहरी उपरीक्षक डा. गणेश रेग्मीले जानकारी दिए । ‘गाँजा खाएर मातिएका सुनिलले घाँस काटेर र्फकदै गरेकी बालिकालाई माछा दिन्छु भनेर प्रलोभन देखाई जर्बजस्तीकरणी गरेको रैछ । उसको लिंगमा पनि घाउचोट देखिएको छ । ‘ एसपी डा. रेग्मीले भने ‘उसले करणी गरेको स्वीकार गरिसकेको छ । बालिकाले पनि उसलाई पहिचान गरेकी छन् ।’
सुनिल विरुद्ध जर्बजस्तीकरणी शीर्षकमा मुद्धा दर्ता गरी थप अनुसन्धान भइरहेको जिल्ला प्रहरी कार्यालय पर्साले जनाएको छ ।
चिकित्सकहरुका अनुसार जर्बजस्ती करणीका कारण बालिकाको पाठेघरसम्म चोट पुगेको थियो । उनको नारायणी उपक्षेत्रीय अस्पताल वीरगञ्जमा शल्यक्रिया पछि थप उपचार काठमाडौंमा उपचार भइरहेको छ ।
बालिकामाथि गत फागुन १६ गते घर नजिकैको उखु बारीमा बलात्कार भएको प्रहरीले जनाएको छ । बलात्कारपछि बालिका डरले घर पछाडि लुकेर बसेकी थिइन् । परिवारले खोजतलासको क्रममा भेटेर उपचारका लागि नारायणी उपक्षेत्रीय अस्पतालमा ल्याएका थिए ।
सम्बन्धित खबर
आजको मौसम पूर्वानुमान
सरकार कामबाटै जनतामा आशा जगाउन चाहन्छ: सञ्चारमन्त्री गुरुङ
सौर्य एयरलाइन्सले भन्यो– पीडित परिवारजनलाई कम्पनीको तर्फबाट सहयोग हुन्छ
नयाँ मौद्रिक नीति सार्वजनिक, बैंकदर र निक्षेप संकलनदर घटाइयो [पूर्णपाठ]
सन्दीपविरुद्ध सर्वोच्चमा पुनरावेदन नगर्ने गौशाला २६ को निर्णय
कीर्तिपुर नगरपालिकाका मेयर नकर्मीको निधन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग