पोखर । यही फागुन ७ गते पोखरामा हुने ु१३ औं सफल अन्तर्राष्ट्रिय पोखरा म्याराथनु को तयारी अन्तिम चरणमा पुगेको छ । आयोजक भूतपूर्व खेलाडी मंचका अध्यक्ष तेज गुरुङले प्रतियोगिताको तयारी बारे जानकारी गराउँदै अघिल्लो संस्करण भन्दा १३ औं संस्करणमा आफूहरु बढी उत्साहित भएको बताए ।

प्रतियोगितालाई सफलपार्न २६ वटा उपसमिति बनाएर र तयारी तिव्र पारेको जनाउदै अध्यक्ष गुरुङले हाल सम्म ३ सय ५७ वटा संघ–संस्था संग समन्वय गरी अघि बढेकाले थप उत्साहित भएको बताए । उनले अहिले विभिनन संघसंस्था तथा खेलप्रेमी महानुभावबाट सहयोग समेत उपलब्ध भइरहेको बताए । शनिबार आयोजित्र पत्रकार सम्मेलनमा विभिन्न संस्थाहरुले सहयोग रकम हस्तान्तरण पनि गरे ।

प्रतियोगिताले पोखरा महानगरपालिकाका १७ वटा वडाहरुलाई छुने बताउँदै अध्यक्ष गुरुङले वडा अध्यक्षहरुले प्रतियोगिताको तयारीको लागि सहयोग गरेको उल्लेख गरे ।

प्रतियोगितामा जापान, चाईना, फ्रान्स सहितका युरोपका समेत धावकहरु सहभागी हुनेभएको उनले जनाए । म्याराथनको ४२ किलोमिटरको दुरीलाई १२ भागमा बिभाजन गरी एम्बुलेन्स सहितको स्वयम सेवकको राम्रो प्रवन्ध मिलाएको अध्यक्ष गुरुङको भनाई थियो । मञ्चका संस्थापक अध्यक्ष खड्ग बहादुर रानाभाटले यसपटक प्रविधीमैत्री प्रतियोगिता हुने तयारी भएको जनाए ।

तस्बिरः सुदर्शन रंजित