पोखरा । दि हिडेन ट्रेजरले आयोजना गर्दै आएको मिस नेपालको २५ औं संस्करणको तयारी तीब्र रुपमा अघि बढेको छ । यसका लागि आयोजक टोली देशका विभिन्न शहरहरुमा पुगेको छ । पोखरामा पनि चैत १ गते शुक्रबार अडिसन हुँदैछ । पोखरा सहित देशका विभिन्न ८ शहरबाट अडिसनमार्फत २५ औं मिस नेपालका सहभागीहरुलाई काठमाण्डौ लैजानेछ । आगामी वैशाख २६ गते काठमाण्डौमा ग्राण्ड फिनाले हुनेछ ।

पोखराको सेदी लेकसाइड स्थित वाटर फ्रन्ट रिसोर्टमा पूर्वान्ह ११ बजेबाट अडिसन सुरु हुनेछ । यस कार्यक्रमको लागि काठमाडौंबाट मिस नेपाल वल्र्ड २०१८ शृखंला खतिवडा, मिस नेपाल अर्थ २०१७ रोजिना श्रेष्ठ, हिडेन ट्रेजरका डाइरेक्टर दिवाकर राजकर्णिकार पोखरा आइसकेका छन् । पोखराको बिग एफएम सहितका विभिन्न मिडियामार्फत अडिसन तयारीबारे अन्तर्वार्ता दिइरहेका छन् ।

मिस नेपालका विजयताहरुले विभिन्न अन्तराष्ट्रिय पेजेन्टहरु सहभागिता जनाउने अवसर पाउँछन् । उत्कृष्टमध्ये क्रमशः मिस वल्र्ड, मिस यूनिभर्स, मिस अर्थ, मिस इन्टरनेसनल, मिस सुप्रा नेसनलमा सहभागी जनाउने अवसर मिल्नेछ । अन्तर्राष्ट्रिय पेजेन्टहरुको माध्यमबाट नेपाललाई परिचित गराउँदै आएको छ । पछिल्लो समय मिस वल्र्डमा नेपाल सुन्दरी श्रृंखला खतिवडाको चर्चा असाध्यै चुलियो ।

पोखरा अडिसनको संयोजन जेसीआई पोखराबाट भइरहेको छ । मिस पोखराको आयोजक नै जेसिआई पोखरा हो । मिस पोखरा विजेताले मिस नेपालमा सिधै तालिम सत्रमा प्रवेश पाउनेछन् । सोहि अनुसार यस वर्ष मिस नेपाल २०१९ मा मिस पोखरा २०१८ को विजेता सारा बजिमयले भाग लिदैंछिन् । पोखरा अडिसन कार्यक्रमको संयोजक जेसीआई पोखराका कार्यकारीणि उपाध्यक्ष जेसी मोहन प्रसाद अधिकारीले गरेका छन् ।

https://www.facebook.com/bigfmpokhara/videos/2250018338585986/