तत्कालिन सांसद एवंम् पूर्वराज्यमन्त्री सञ्जय कुमार शाह टकलालाई जन्मकैद फैसला सुनाइएको छ । टकलासहित ७ जनालाई जिल्ला अदालत धनसषाले जन्मकैदको फैसला सुनाएको छ  । अदालतका न्याययधीश जयशकुमार कटुवालको एकल इजलासले ७ जनालाई जन्मकैदको फैसला सुनाएको हो   ।

जन्मकैदको फैसला टकलासहित अर्जुन सिंह भनिने मुकेश चोधरी, राजु मुक्ति भनिने रञ्जित झा, जयप्रकाश चौधरी, मुकेश कुमार कर्ण, सुरेन्द्र कर्ण र दिपेन्द्र झालाई सुनाइएको हो ।  २०६९ साल वैशाख १८ गते मिथिला राज्य संघर्ष समितिको आह्वानमा जनकपुरको रामाचन्द चोकमा आन्दोलनको क्रममा बम विष्फोट हुँदा ५ जनाको ज्यान गएको थियो भने २५ जना घाइते भएका थिए । सोहि घटनामा टकला संलग्न रहेको आरोप लागेको थियो ।

पुरानो मुलुकी ऐन अनुसार जन्म कैद भनेको २० वर्ष कैद हुने व्यवस्था हो । तर कारागार नियमावालीमा भएको सुविधा अनुसार असल आचारणका कैदीहरुले ४० प्रतिशतसम्म कैद मिनाह पाउँछन् । धेरै जसो कैदीहरुले यो सुविधा लिएर १२ वर्षमा नै मुक्त हुने गरेका छन् ।

उनी २०६४ सालको चुनावमा राजेन्द्र महतो नेतृत्वको तत्कालिन संघीय समाजवादी फोरमबाट निर्वा्चित भएका   थिए । यसैगरी २०७० को चुनावमा पनि उनी निर्वाचित भएका थिए । पहिलो संविधानसभाकै क्रममा उनी फोरम लोकतान्त्रिकबाट भौतिक योजना तथा पूर्वाधार राज्यमन्त्री बनेका थिए । सो समयमा विजय कुमार गच्छदार भौतिक योजना तथा पूर्वाधार थिए ।