बुटवल । सत्तारुढ नेकपामा महासचिव विष्णु पौडेलविरुद्ध बुटवलमा छ्यापछ्यापती पर्चा छरिएकाे छ । पाैडेल काठमाडाैँकाे बालुवाटारस्थित सरकारी जग्गा किनेका कारण आलाेचित भइरहेका वेला ‘माैका आउँछ पर्खँदैन, बालुवाटार अब फर्कँदैन’ भन्ने व्यंग्यात्मक नारा र उनकाे तस्वीरसहितका पर्चा छरिएको हाे ।
साे पर्चा नेपाली कांग्रेसका कार्यकर्ताले छरेकाे बताइएकाे छ । साेमबार बुटवल नगरसमितिका सभापति तथा बुटवल उपमहानगरपालिकाका प्रमुखका उम्मेदवार खेलराज पाण्डेको नेतृत्वमा बुटवल मण्डपभरि करिब ३ सय पर्चा छरिएको जनाइएकाे छ ।
बालुवाटारकाे सरकारी जग्गा व्यक्तिका नाममा ल्याउन भूमिका खेलेकाे आराेप लागेका पौडेललाई कारबाही गर्न माग गर्दै पर्चा छरिएको नगर सभापति पाण्डेले बताएका छन् । साेही मण्डपमा महासचिव पौडेलले बुटवल प्रर्दशनी केन्द्रको शिलान्यास गर्ने कार्यक्रम राखिएकाे थियाे । यसका लागि पाैडेल बुटवल आएकाे माैका छाेपी कार्यक्रमस्थलमै उनीविरुद्ध पर्चा छरिएकाे हाे ।
महासचिव पौडेलले साे प्रदर्शनी केन्द्रको शिलान्यास समेत गरिसकेका छन् । यद्यपि नगरसभापति पाण्डेले निर्वाचनअघि नै प्रदर्शनी केन्द्रको निर्माणको नक्सासमेत तयार भएको र बुटवल नगर सर्वदलीय बैठकबाट पारित भइसकेको दाबी गर्दै अहिले प्रचारका लागि मात्र नेकपा महासचिव पाैडेल शिलान्यासमा आएकाे बताए ।
सम्बन्धित खबर
रातदिन खटेर काम गर्नुपर्ने बेला भएको भन्दै विदेश भ्रमण नजान प्रधानमन्त्रीको निर्देशन
पोखरा-१५ मा विविध कार्यक्रमको आयोजना गरी धान दिवस मनाइयो
र्यान्डममा सुमिनाको ‘बागी स्त्रीको आत्मकथा’
पर्वत फलेवास–अर्मादी सडकखण्ड निर्माणमा ढिलासुस्ती
जनताले अनुभूत गर्ने गरी गणतन्त्रको कार्यान्वयन अपरिहार्यः प्रदेश प्रमुख भट्ट
‘सफल सादा दही’ पोखरा बजारमा उपलब्ध
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग