नाइजेरियाको कादुनामा एक इस्लामिक विद्यालयमा बर्षौंसम्म यातना र बलात्कार गरेर राखिएका ३०० भन्दा बढी विद्यार्थीहरूलाई बिहीवार मुक्त गरिएको छ । धेरै विद्यार्थीहरूलाई सिक्रीले बाँधेर राखिएको थियो र तीमध्ये अधिकांश बालबालिका थिए । उनीहरूले आफूलाई यौन दुर्व्यवहार गरिएको, भोकभोकै राखिएको र त्यो ठाउँ छोडेर जान नदिइएको बताए ।
प्रहरीले बिहीवार उक्त यातनागृहमा छापा मारेर बन्दीहरूलाई मुक्त गरेको थियो । उनीहरूलाई कुरान सिकाउने र सुधार गर्ने नाममा अत्यन्तै अपमानजनक र अमानवीय अवस्थामा राखिएको एक प्रहरी प्रवक्ताले बताए ।उनीहरूको ढाडमा डरलाग्दा दाग थिए अनि उनीहरूको हात र गोडामा सिक्री बाँधिएको थियो ।
कादुनाको प्रहरी प्रमुख अली जांगाले यो दासताको मुद्दा भएको र आफूहरूलाई स्रोतले खबर गरेपछि छापा मार्न गएको बताए । बुर्किना फासो, माली र अन्य अफ्रिकी मुलुकका पुरुष विद्यार्थीहरूलाई त्यहाँ राखिएको थियो ।
पीडितहरू वयस्क र बालक दुवै थिए ।उक्त विद्यालय एक दशकदेखि सञ्चालनमा छ । विद्यार्थीका परिवारका मानिसले उनीहरूलाई कुरान पढ्न अनि लागूऔषध दुर्व्यसन र अन्य रोगबाट मुक्त गराउन त्यहाँ राखेको प्रहरीको भनाइ छ ।छापा मार्ने क्रममा विद्यालय सञ्चालक तथा ६ कर्मचारीलाई पक्राउ गरिएको छ ।
एजेन्सी
सम्बन्धित खबर
पोखरामा १० केजी दुर्लभ वन्यजन्तुको मासुसहित एक पुरूष पक्राउ
पोखरास्थित दराज अनलाइनको कार्यालयबाट नगद तथा सामान चोरी गर्ने ३ जना पक्राउ
बिरौटामा जुवातास खेलिरहेका ४ जना नगदसहित पक्राउ
गोरखा अस्पतालमा एक महिनादेखि मलद्वारमा अड्किएको बोतल शल्यक्रिया गरेर निकालियो
पोखराको लेकसाइडबाट अवैध लागु औषध र नगदसहित ४ जना पक्राउ
पोखरामा हराएको १७ लाख रुपैयाँ फेलापारी सम्बन्धित धनीलाई फिर्ता
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग