एजेन्सी । उत्तरी भारतमा कोभिड–१९ कोरोना भाइरसका कारण सिख धर्मगुरुको मृत्यु भएपछि उनीसँग सम्पर्कमा रहेका कम्तिमा १५ हजार जनता उच्च सतर्कता अपनाइरहेका छन् । उनीहरु सबै अहिले कडा क्वारेन्टाइनमा छन् ।
७० वर्षका धर्मगुरु बलदेव सिंह इटली र जर्मनको भ्रमण गरेर फर्किएपछि क्वारेन्टाइन बस्नुको साटो पञ्चावका दर्जनौं गाउँ डुलेका थिए । कोरोना संक्रमणले उनको मृत्यु भएपछि स्थानीय झस्किएका छन् । प्रहरीले उनी डुलेका गाउँ पहिचान गरेर कडाई गर्न थालेपछि बल्ल घटना सार्वजनिक भएको हो । भारतमा २१ दिने लकडाउन सुरु हुनअघि नै ती गाउँमा लकडाउन गरिएको थियो, अहिले स्थानीय क्वारेन्टाइनमा बसेर उच्च सतर्कता अपनाइरहेका छन् ।
‘१८ मार्चमै पहिले १५ गाउँलाई सिल गरियो र हाम्रो बुझाईमा बन्द गरिएका यी गाउँमा १५ हजारदेखि २० हजार जनता छन्,’ स्वर्गीय बलदेव बस्ने गरेको बंगा जिल्लाका वरिष्ठ सरकारी अधिकारी गौरव जैनले भने , ‘अहिले यहाँ स्वास्थ टोली तयारी अवस्थामा छ ।’
यी धर्मगुरुसँग सम्पर्कमा रहेका १९ व्यक्तिमा संक्रमण देखिइसकेको स्थानीय प्रहरी विनय बब्लानीले बताए । त्यस्तै, २ सयभन्दा बढी व्यक्तिको परीक्षण नतिजा आउन बाँकी छ । यी गुरु र उनका दुई सहयोगीले युरोपबाट फर्किएपछि सेल्फ–आइशोलेसनमा बस्नुपर्ने नियम मानेका थिएनन् र सिंहको मृत्यु हुनअघिसम्म उनीहरु विभिन्न गाउँ परिक्रमा गरिरहेका थिए ।
यो घटनाले भारतलाई नै स्तब्ध बनाएको छ र क्यानडा बस्ने चर्चित पञ्जावी गायक सिद्धु मोसेवालाले सिंहबारे गीत नै बनाएका छन् । ‘मैले मृत्युको छायाँ जसरी गाउँ डुल्दै रोग फैलाएँ,’युट्युबमा भाइरल भइरहेको यो गीतले भन्छ । पञ्जावका प्रहरी प्रमुख दिन्कर गुप्ताले यो गीतलाई चेतावनीका रुपमा सुन्न स्थानीयलाई भनेका छन् ।
सम्बन्धित खबर
एसईईको तयारी पूरा
पोखरा -१५ ठूलीमजुवामा मोटरेबल पुलको शिलान्यास
सार्वजनिक जग्गा र खुल्ला चौरको सदुपयोग गर्न पोखरा १५ मा एकैदिन ६ व्यायामशालाको उद्घाटन
पोखरा–१४ को शिवालय मन्दिर पुनःनिर्माण, सांसद केसीले गरे उद्घाटन
पोखराको पृथ्वीचोकबाट जुवातास खेल्दै गरेका ७ जना झन्डै १ लाख नगदसहित पक्राउ
गण्डकीमा नयाँ सरकार बन्न सकस, एमाले-माओवादीमात्रै अपुग
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग