एजेन्सी । भारतको पश्चिम बंगालमा १० घण्टाभित्र सय करोड भारु भन्दा बढीको रक्सी बिक्रि भएको छ जुन एक नयाँ रेकर्ड हो ।
लकडाउन अघि यस राज्यमा साधारणतया दैनिक औसतमा ४० देखि ४५ करोड भारुको रक्सी बिक्रि हुन्थ्यो । मंगलबार मात्रै ६५ करोड बढीको रक्सी बिक्रि भयो ।
राज्य सरकारले रक्सीको पसल दैनिक दिउँसो १२ देखि बेलुकी सात बजेसम्म सात घण्टा खोल्ने अनुमती दिएको छ । सोमबार त राज्य सरकारको स्पष्ट दिशानिर्देश नभएका कारण बेलुका तीन घण्टामात्रै पसल खोलिएको थियो । मंगलबार भने सात घण्टा खोलियो । तर मानिसहरुको भीड कम हुनुको साटो बढ्दो छ ।
कोरोनासँग जुध्नका लागि पैसा जुटाउनका लागि राज्य सरकारले रक्सीमा ३० प्रतिशत अतिरिक्त बिक्रि कर लगाएको छ ।
पश्चिम बंगाल सरकारले दुई दिनमा रक्सीको बिक्रिबाट राजस्वमा बम्पर वृद्धि भएको जानकारी दिएको छ । आयकर विभागका एक अधिकारीले नाम नबताउने शर्तमा भने, ‘रक्सीको बिक्रिमार्फत् सरकारलाई ६० करोडको राजस्व प्राप्त भएको छ ।’
राज्यमा सोमबारबाहेक मंगलबार पनि सबै पसलमा अत्यधिक भीड लाग्यो । कति मानिसहरु त थुप्रै किलोमिटर पैदल हिँडेर रक्सी खरिद गर्न पुगे । केही स्थानमा भीडमाथि नियन्त्रण गर्नका लागि प्रहरीले लाठीचार्ज गर्नुपर्यो ।
सरकारले प्रति व्यक्तिलाई दुई बोतल रक्सी बेच्ने निर्देशन दिएको छ । कुनै स्थानमा त परिवारका सबै सदस्य नै लाइनमा बसेका थिए ।
यसैबीच, रक्सीको पसलमा भीड कम गर्नका लागि थोक विक्रेता सरकारी वेस्ट बंगाल बेवरेज कर्पोरेशनले ई–रिटेल र होम डेलिभरीका लागि पनि एउटा नयाँ पोर्टल बनाएका छन् ।
स्रोतः बीबीसी
सम्बन्धित खबर
रातदिन खटेर काम गर्नुपर्ने बेला भएको भन्दै विदेश भ्रमण नजान प्रधानमन्त्रीको निर्देशन
पोखरा-१५ मा विविध कार्यक्रमको आयोजना गरी धान दिवस मनाइयो
र्यान्डममा सुमिनाको ‘बागी स्त्रीको आत्मकथा’
पर्वत फलेवास–अर्मादी सडकखण्ड निर्माणमा ढिलासुस्ती
जनताले अनुभूत गर्ने गरी गणतन्त्रको कार्यान्वयन अपरिहार्यः प्रदेश प्रमुख भट्ट
‘सफल सादा दही’ पोखरा बजारमा उपलब्ध
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग