काठमाडौं । विश्वभर महमारीको रुपमा फैलिएको कोरोनाभाइरस कोभिड-१९ ले स्थगित जर्मन फुटबल लिग बुण्डेशलिगा आजदखि पुन सुरु हुँदैछ । युरोपको शीर्ष पाँच व्यावसायिक लिग मध्ये एक रहेको बुण्डेशलिगा २ महिनाभन्दा बढी समयपछि मैदान फर्कन लागेको हो ।
विश्वभर कोरोनाभाइरसले सबैखाले खेलकुद गतिविधिलाई असर गर्दा फुटबल खेलहरु समेत रोकिएका थिए । यसैबीच शीर्ष पाँच लिगमध्ये एक फ्रेन्च लिग वान र बेल्जियनको प्रो लिग भने रद्द नै भइसकेको छ ।
जर्मनीको लिग बज शुरु हुँदैछ भने अन्य ठूला लिगहरु प्रिमियर लिग स्पानिस ला लिगा र इटालियन सिरी ए जुनको दोस्रो साता सुरु गर्ने तयारीमा छ ।
कोरोनाभाइरस पूर्ण रुपमा नियन्त्रण नहुँदै शुरु हुन लागेको बुण्डेशलिगाका खेलहरु दर्शक बिनै क्लोज डोरमा हुनेछ । आज शनिवार ६ खेल हुँदैछन् । जसमा दोस्रो स्थानमा रहेको बोरुसिया डर्टमण्ड र छैटौं स्थानको साल्के बीचको खेललाई प्रतिक्षाको रुपमा हेरिएको छ । यो खेल नेपाली सयमअनुसार बेलुका सवा ७ बजे सुरु हुनेछ ।
अहिलेका चर्चित युवा खेलाडीहरु एर्लिन हालान्ड र जाडोन सान्चो जस्ता खेलाडीका साथ पाएको डर्टमण्ड घरेलु मैदानमा सुदख नतिजा ल्याउने योजनामा छ ।
डर्टमण्ड र साल्केबीचको खेललाई रिभर डर्बीको रुपमा परिचित छ । त्यसैले यो खेल प्रतिस्पर्धात्मक हुने विश्वास छ ।
घरेलु मैदानमा आफ्नो पक्षमा नतिजा ल्याउन सके डर्टमण्डले शीर्ष स्थानको वायर्न म्युनिखसंग अंकदुरी १ मा झार्नेछ । वायर्नको २५ खेलबाट ५५ अंक छ भने डर्टमण्डको समान खेलबाट ५१ अंक छ ।
सोही समयमै आरबी लेइपजिग र फाएवर्ग अग्सबर्ग वल्फ्सवर्ग होफेनहेइम र हेर्था बिएससी फर्चुना डुसेलडोफ र एससी पाडेनबर्नबीच खेल हुनेछ । यस्तै राती सवा १० बजे एनट्राट फ्राङ्कफर्ट र बोरुसिया मोन्चेनग्लाडबाकबीच खेल हुनेछ ।
कोरोना भाइरसले स्थगित भएको ६८ दिनपछि बुण्डेशलिगा फेरि हुन लागेको हो । पछिल्लो पटक ८ मार्चमा जर्मनीङ्गा फुटबल भएको थियो । कूल १८ क्लब सहभागि बुण्डेशलिगामा २५औं चरणको खेल सकिकएको छ । अब हरेक क्लबले ९(९ खेल खेल्न बाँकी छ ।
सम्बन्धित खबर
अपाङ्गता भएकाहरुको माग बुझ्न मन्त्रालयको आँगनमा मन्त्री
ठूलो सपना देख्दिनँ, आवधिक योजना बनाएर काम गर्छु : स्वास्थ्यमन्त्री पाठक
पोखरा १५ मा स्वास्थ्य शिविर, २ सय बढी महिलाको स्वास्थ्य परीक्षण
सरकारी निकायहरूमा आधिकारिक भाषा प्रयोग, भाषिक पुनरुत्थान र भाषिक–सामाजिक न्याय विषयक गोष्ठी सम्पन्न
रूपा रिङरोड दोस्रो खण्डको शिलान्यास, ४७ करोडमा बन्ने
गण्डकीका भौतिक मन्त्रीको निर्देशन : गुणस्तरीय र समयमै काम गर्नू
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते