अर्जेन्टिनी स्टार स्ट्राइकर लियोनल मेसीले स्पेनिश फुटबल क्लब बार्सिलोना छोड्ने निश्चित भएको छ । क्लबले मंगलबार यसबारे पुष्टि गर्दै मेसीले कारवाही अघि बढाउनका लागि व्यवस्थापनलाई दस्तावेज पठाइसकेको जानकारी दिएको छ ।
३३ वर्षीय गोल मेसिन मेस्सीले क्लबसँग सन् २०१७ मा सम्झौता बढाएका थिए जून सन् २०२१ मा समाप्त हुँदै छ । मिडिया रिपोर्टलाई विश्वास गर्ने हो भने मेसीले जुनसुकै बेला पनि क्लब छोड्न सक्छन् ।
च्याम्पियन्स लिगको क्वार्टरफाइनलमा अगस्ट १५ मा जर्मनीको क्लब बायर्न म्यूनिखले बार्सिलोनालाई ८–२ ले हराएको थियो । त्यसपछि मेसीले टोली छोड्ने करिब निश्चित नै थियो । यद्यपी क्लबले भने मेसीलाई गुमाउन चाहेको थिएन ।
मेसीले बार्सिलोनाका लागि १८ वर्षको उमेरमा १६ अक्टोबर सन् २००४ मा डेब्यू गरेका थिए । त्यतिबेलादेखि अहिलेसम्म उनले टीमका लागि ७ सय ३१ म्याचमा ६ सय ३४ गोल हाने र २ सय ७६ वटा गोल हान्न सहयोग गरे । यतिबेला उनले टीमलाई १० ला लिगा र ४ यूइएफए च्याम्पिनन्स लीगसमेत ३४ उपाधि जिताएका छन् ।
यसै वर्ष जनवरीमा एर्नेस्तो वेलवेर्देलाई बार्सिलोनाको कोचको पदबाट हटाइएको थियो । यस विषयमा मेसी र स्पोर्टिङ म्यानेजर एरिक अबिदालबीच सम्बन्ध खराब छ ।
अबिदालले मेसीको नाम नलिइकनै वेलवेर्देसँग टीमका खेलाडी खुसी नभएका कारण उनलाई बर्खास्त गरिएको बताए । मेसीले यसको जवाफमा भनेका थिए, ‘नाम नलिइकनै खेलाडीको आलोचना गर्नु गलत हो । ’
यो विवादपछि मिडियामा मेसीले क्लबसँग आफ्नो सम्झौता नबढाउने अनुमान गरिएको थियो ।
चारवटा क्लबबीच मेसीलाई खरिद गर्ने होडबाजी चलेको छ । म्यान्चेस्टर सिटी, इन्टर मिलान, नेवेल्स ओल्य बोयज, अल–सादले मेसी लिन चाहेको छ ।
म्यान्चेस्टर सिटीले यसपटक घरेलू लीग पनि जित्न सकेन । उसको कोच गुआर्डिओलाले बार्सिलोनालाई कोचिङ दिइसकेका छन् । यस्तोमा उनी यो खेलाडीलाई क्लबसँग जोडेर सिटीलाई घरेलू र युरोपियन च्याम्पियन बनाउन चाहन्छ ।
मेसीका प्रतिद्वन्द्वी रोनाल्डो इटलीको क्लब युभेण्टसमा खेल्छन् । यस्तोमा इन्टर मिलानले मेसीलाई अनुबन्ध गरेर यी दुईलाई पुनः प्रतिद्वन्द्वीको रुपमा मैदानमा उतार्न चाहन्छ । मेसीका अर्जेन्टिनाका पुराना साथी जेविय जानेटी बोर्डका भाइस प्रेसिडेन्ट हुन् ।
नेवेल्स ओल्य बोयज अर्जेन्टिनाको मेसीको सुरुवाती क्लब हो । उनी ६ वर्षको उमेरदेखि यो क्लबसँग जोडिएका थिए र ५ सय गोल गरेका थिए ।
कतारको क्लब अल–सादका म्यानेजर बार्सिलोनाका पूर्व कप्तान जावी हुन् । कतारमा विश्वकप पनि आयोजना हुँदैछ । यस्तोमा क्लबले मेसीलाई जोडेर माहौल बनाउन चाहन्छ ।
– दैनिक भास्कर
सम्बन्धित खबर
अपाङ्गता भएकाहरुको माग बुझ्न मन्त्रालयको आँगनमा मन्त्री
ठूलो सपना देख्दिनँ, आवधिक योजना बनाएर काम गर्छु : स्वास्थ्यमन्त्री पाठक
पोखरा १५ मा स्वास्थ्य शिविर, २ सय बढी महिलाको स्वास्थ्य परीक्षण
सरकारी निकायहरूमा आधिकारिक भाषा प्रयोग, भाषिक पुनरुत्थान र भाषिक–सामाजिक न्याय विषयक गोष्ठी सम्पन्न
रूपा रिङरोड दोस्रो खण्डको शिलान्यास, ४७ करोडमा बन्ने
गण्डकीका भौतिक मन्त्रीको निर्देशन : गुणस्तरीय र समयमै काम गर्नू
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते